Para os efectos previstos no Decreto 2617/1966, do 20 de outubro, sométese a información pública a solicitude da entidade mercantil Frigoríficos del Noroeste, S.A. (Frinsa), co enderezo en polígono industrial de Xarás, Ribeira, A Coruña, para a autorización administrativa da instalación que segue:
Planta de coxeración a instalar dentro do recinto da súa factoría, cunha potencia eléctrica total en bornas dos xeneradores de 12700 kW, composta por:
-Dous motores de combustión interna alternativos, funcionando con gasóleo ou fueloil, de 6590 kW mecánicos cada un.
-Dous xeradores síncronos trifásicos de 6590 kVA cada un, tensión de xeración 6 kV, factor de potencia 0,96358 para 6350 kW de potencia activa.
-Un centro de transformación 20/6 kV con dous transformadores de 6,60 mVA, tipo interior e un transformador para servicios auxiliares de 800 kVA, r.d.t. 15/04.
-Instalacións complementarias de aproveitamento de calores en forma de vapor 10 kg/cm e auga quente sanitaria.
-Instalacións de baixa tensión de regulación e control de todo o sistema.
-Outras instalacións auxiliares e de interconexión coas liñas eléctricas da compañía eléctrica distribuidora.
O investimento necesario para a planta estímase en 498.977.007 ptas.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo de Monelos, 15701 A Coruña.
A Coruña, 8 de agosto de 1996.
Manuel Estévez Mengotti
Delegado provincial da Coruña en funcións
6256