O artigo 5.2º do Decreto 442/1990, de avaliación do impacto ambiental para Galicia (DOG número 188, do 25-9-1990), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental e plan de restauración da solicitude de concesión de explotación de lousas denominada Salgueiro nº 4554.1ª, situada en terreos de San Vicente de Leira, concello de Vilamartín de Valdeorras, provincia de Ourense, e solicitado por Pizarras Salgueiro, S.A.
Para os efectos informativos porase á disposición dos administrados que o soliciten un exemplar deste nas oficinas desta dirección xeral e as alegacións formularanse durante o prazo sinalado nas mesmas oficinas.
Santiago de Compostela, 11 de xullo de 1996.
Joaquín del Moral Crespo
Director xeral de Industria
6111