Aprobado inicialmente polo Pleno do Concello, en sesión habida o día 21 do pasado mes de xuño, o proxecto de modificacións puntuais nas normas subsidiarias de planeamento de Burela, redactado, en xuño de 1996, polo enxeñeiro director de redacción do equipo Monsa-Urbanismo, S.L., D.G. Iglesias, por medio do presente anuncio sométese á

información pública polo prazo dun mes, contado a partir da inserción deste anuncio no DOG, BOP e xornal El Progreso, durante o cal podrá ser examinado por calquera persoa física ou xurídica nos servicios técnicos do concello, en horario de oficina, para formula-las alegacións ou observacións que consideren pertinentes.

Nas áreas que se sinalan a continuación, por canto as novas determinacións do proxecto supoñen modificación do réxime urbanístico vixente delas, queda suspendido o outorgamento de licencias, durante o prazo máximo de dous anos, finalizando éste unha vez aprobado definitivamente o proxecto das meritadas modificacións.

Áreas onde quedan suspendidas as licencias:

1. Zona do paseo marítimo: a zona frontal estremeira do proxecto de paseo marítimo definido e construído pola Dirección Xeral de Costas (MOPTMA) e que se estende sobre o perímetro da enseada de Portelo en colindancia coa praia de Burela.

2. Zona portuaria-Suafonte: a zona definida polo cuarteirón frontal ó porto, inmediata a Suafonte. (Tramo final da rúa Eijo Garay e tramo inicial da Avda. da Mariña).

3. Intersección Circunvalación (hoxe Rafael Lobeto), rúa do Portelo. O cuarteirón definido por á perpendicular á rúa de Mondoñedo (coñecida por r/ Bouzas), ámbalas marxes da citada rúa; tramo da rúa de Mondoñedo, entre r/ Bouzas e r/ Portelo, (marxe oeste e zona de intersección con r/ Portelo); rúa Portelo, entre rúa Rafael Lobeto e rúa de Mondoñedo, rúa Rafael Lobeto, entre rúa Bouzas e rúa do Portelo e a súa contorna máis inmediato.

4. Rúa Pedrón Salgueiro e Avda. Arcadio Pardiñas: no angular leste, formado polas rúas Pedrón Salgueiro e Travesía estrada CN-642 (hoxe Avda. Arcadio Pardiñas).

5. Sinalamento da vía Travesía do Porto: a zona frontal máis inmediata á vía que se incorpora ó planeamento.

Burela, 30 de xullo de 1996.

Manuel Mon Rouco

Alcalde

6214