Aprobado tecnicamente, por resolución da Dirección Xeral de Obras Públicas da Consellería de Política Territorial, Obras Públicas e Vivenda da Xunta de Galicia, do 1 de marzo de 1996, o estudio informativo de conexión da estrada PO-242 coa estrada N-541 en Bora, clave N/PO/95.9; sométese o citado estudio ó trámite de información pública, durante un período de trinta días hábiles, a partir da publicación de este anuncio no Boletín Oficial del Estado, a fin de que os que o consideren oportuno, poidan formular por escrito ante este Servicio provincial de Estradas as observacións que crean convenientes, de acordo co establecido no artigo 15.1º da Lei 4/1994, do 14 de setembro, de estradas de Galicia; advertíndose que o citado estudio pode examinarse durante o dito período, en horas hábiles de oficina, neste servicio e no Concello de Pontevedra.
Ó mesmo tempo sométese á información pública prevista no Decreto 327/1991, da Xunta de Galicia, relativo á avaliación de efectos ambientais.
Pontevedra, 1 de agosto de 1996.
Miguel Ambles y Díaz de Valentín
Enxeñeiro xefe
5994