O Pleno do Concello, en sesión do día 3-6-1996, acordou o seguinte:

1º Aprobar inicialmente o proxecto de urbanización da U.A. Fraga (expediente nº 3866/401), coas seguintes observacións:

-A conservación da urbanización correrá a cargo da entidades urbanística de conservación que se constituirá.

-En todo momento da execución das obras de urbanización garantirase a saída de emerxencia da sala de festas existente na unidade de actuación. Non se recepcionará a urbanización se non queda garantida tal saída.

2º Coa aprobación definitiva do proxecto de urbanización os promotores da actuación deberán prestar fianza polo 100% do importe das obras de urbanización que ascende á cantidade de 51.445.149 pesetas (IVE incluído).

3º Somete-lo expediente a información pública polo prazo de quince días, mediante a inserción de anuncios no DOG, BOP, un dos xornais de maior circulación da provincia e no taboleiro oficial de edictos da Casa do Concello, con notificación ós interesados.

4º Declarar que a aprobación definitiva deste proxecto de urbanización se producirá automaticamente de non se presentar alegación ningunha ó presente acordo de aprobación inicial, sen necesidade de acordo expreso para o efecto, pero coa preceptiva publicación no BOP e comunicación ó órgano competente da Xunta de Galicia en materia urbanística (artigo 31.3º LASGA).

O que se fai público en cumprimento do punto 3º do acordo plenario, e signifícase que o prazo de exposición ó público entenderase aberto desde a primeira publicación ata o remate dos quince días contados desde o derradeiro anuncio.

A documentación atópase na Oficina Municipal de Información (baixo do concello).

Vigo, 2 de xullo de 1996.

Manuel Pérez Álvarez

Alcalde

5919