Para os efectos previdos no artigo 9 do Decreto 2617/1966 e no artigo 10 do Decreto 2619/1966, sométese a información pública a petición de autorización e declaración de utilidade pública da instalación eléctrica que se describe:
Solicitante: Unión Eléctrica-Fenosa, S.A.
Enderezo social: Severo Ochoa, 2, 15008 A Coruña.
Denominación: L.M.T., CC.TT. e R.B.T. en Vilacova e Portochán.
Situación: Ames-A Baña.
Descricións técnicas: liña eléctrica aérea de media tensión, a 20 kV, sobre apoios de formigón con conductor LA-56, de 1.216 m de lonxitude, con orixe na liña denominada a Tapia de San Román (expediente 26881) e final nos CC.TT. que se vai instalar en Vilacova e Portochán. Centros de transformación aéreos en Vilacova e Portochán, de 50 kVA/U. e tensións de 20/0,380-0,220 kV, dos que parten redes de baixa tensión sobre apoios de formigón e conductor R.Z. de 626 m de lonxitude, concellos de Ames e A Baña.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
A Coruña, 24 de xuño de 1996.
Juan Ignacio Lizaur Otero
Delegado provincial da Coruña
5344