Examinados os expedientes incoados polas titularidades dos centros privados que se relacionan no anexo da presente resolución nos que solicitan a ampliación de unidades do segundo ciclo de educación infantil.
Resultando que os expedientes foron tramitados polas respectivas delegacións provinciais de Educación e Ordenación Universitaria que os envían cos informes emitidos polas inspeccións de educación e polas unidades técnicas.
Vistos a Lei Orgánica 1/1990, do 3 de outubro, de ordenación xeral do sistema educativo (BOE do 4), o Real Decreto 1004/1991, do 14 de xuño (BOE do 26), o Decreto 133/1995, do 10 de maio (DOG do 22), a Orde do 20 de setembro de 1995 (DOG do 15 de decembro) e demais disposicións complementarias.
Considerando que os devanditos centros privados teñen autorización ou clasificación definitiva para impartir educación preescolar.
Considerando que o Real Decreto 1004/1991 establece, na súa disposición transitoria terceira, que os centros privados que teñan autorización ou clasificación definitiva para imparti-la educación preescolar, na entrada en vixencia deste Real decreto, enténdense autorizados para poder imparti-lo segundo ciclo de educación infantil, suposto que se dá nos centros solicitantes. Esta dirección xeral,
RESOLVEU:
Autoriza-la ampliación de unidades do segundo ciclo de educación infantil ós centros privados que se relacionan no anexo da presente resolución,
facendo constar que, para a posta en funcionamento das mesmas, a titulación do profesorado deberá axustarse ó establecido no Real Decreto 1004/1991.
Santiago de Compostela, 3 de xullo de 1996.
Severino Somoza Gómez
Director xeral de Ordenación Educativa e Centros
ANEXO
PROVINCIA DA CORUÑA
Concello: Santiago de Compostela.
Localidade: Santiago de Compostela.
Enderezo: Concepción Arenal, 11.
Denominación: La Inmaculada.
Titular: Hermanos de las Escuelas Cristianas.
Nivel: educación infantil-2º ciclo.
Unidades de que constaba: 2.
Unidades novas autorizadas: 1.
Total de unidades autorizadas: 3.
Concello: Santiago de Compostela.
Localidade: Santiago de Compostela.
Enderezo: San Roque, 6.
Denominación: La Salle.
Titular: Hermanos de las Escuelas Cristianas.
Nivel: educación infantil-2º ciclo.
Unidades de que constaba: 6.
Unidades novas autorizadas: 2.
Total de unidades autorizadas: 8.
PROVINCIA DE OURENSE
Concello: Ourense.
Localidade: Ourense.
Enderezo: Rúa Vasco da Fonte, polígono As Lagoas.
Denominación: A Casiña-Lagunas.
Titular: Cáritas Diocesana de Ourense.
Nivel: educación infantil-2º ciclo.
Unidades de que constaba: 2.
Unidades novas autorizadas: 1.
Total de unidades autorizadas: 3.
PROVINCIA DE PONTEVEDRA
Concello: Cangas.
Localidade: Cima de Vila.
Enderezo: Enseñanza, 9.
Denominación: Compañia de María.
Titular: Compañia de María.
Nivel: educación infantil-2º ciclo.
Unidades de que constaba: 4.
Unidades novas autorizadas: 2.
Total de unidades autorizadas: 6.
5694