O artigo 36 da Lei 9/1991, do 2 de outubro, de medidas básicas para a inserción social, en concordancia cos artigos 80.1º e 81.1º do Decreto 374/1991, do 24 de outubro, polo que se desenvolve a Lei 9/1991, do 2 de outubro, dispoñen a constitución dunha mesa en cada unha das provincias da Comunidade Autónoma e doutra a nivel auto
nómico, que actuarán como órganos superiores de control e seguimento da aplicación da renda de integración social de Galicia e que estarán integradas, entre outros membros, por sete representantes das organizacións empresariais máis representativas a nivel autonómico.
As normas de organización e funcionamento interno da Mesa Autonómica da Renda de Integración Social publicadas no Diario Oficial de Galicia de data 23 de outubro de 1992, que rexerán tamén para as mesas provinciais, a teor do disposto no artigo 81.3º do Decreto 374/1991, do 24 de outubro, establecen no seu artigo 7.2º que os nomeamentos e substitucións de tódolos membros da mesa se publicarán no Diario Oficial de Galicia.
Na súa virtude foron comunicadas a esta consellería propostas da Confederación de Empresarios, acordando substituír dous dos seus actuais vocais titulares.
En consecuencia, en uso das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,
DISPOÑO:
Artigo 1º
Nomear, en representación da Confederación de Empresarios de Galicia, a Marina Graña Bermúdez vocal titular da Mesa Autonómica de Control e Seguimento da Renda de Integración Social de Galicia, en substitución de Jesús Seoane Pereiro.
Artigo 2º
Nomear, en representación da Confederación de Empresarios de Ourense, a Ana María García Revilla vocal titular da Mesa Provincial de Ourense de Control e Seguimento da Renda de Integración Social de Galicia, en substitución de Luis Parente Parente.
Santiago de Compostela, 19 de xullo de 1996.
José María Hernández Cochón
Conselleiro de Sanidade e Servicios Sociais
9605629