Visto o expediente para outorgamento de autorización administrativa, declaración de utilidade pública, e aprobación do proxecto de execución da instalación eléctrica que a continuación se detalla:

Solicitante: Unión Eléctrica-Fenosa, S.A..

Enderezo social: Sáenz Díez, 45, Ourense.

Denominación: L.M.T., C.T. e R.B.T. de Praducelo.

Situación: Samos.

Descricións técnicas: liña de media tensión a 20 kV, en conductor LA-56, cunha lonxitude de 965 metros, sobre postes de formigón, con orixe no apoio nº 45 da L.M.T. ó C.T. de Louzarela. Centro de transformación tipo intemperie de 50 kVA, 20.000/398-230 V-2,5%-5%, sobre apoio de formigón. Rede de baixa tensión en conductor R.Z.-95-50, cunha lonxitude de 167 metros, para

mellora do servicio eléctrico en Praducelo, no concello de Samos.

Orzamento: 5.200.000 ptas.

Cumprido-los tramites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial, resolveu:

Autorizar, declarar de utilidade pública, e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

Lugo, 29 de maio de 1996.

Jesús Bendaña Suárez

Delegado provincial de Lugo

9605202