O 20 de xuño de 1996 a Consellería de Educación e Ordenación Universitaria recibe da sección primeira da Sala do Contencioso-Administrativo do Tribunal Superior de Xustiza de Galicia, a providencia pola que se admite o recurso contencioso-administrativo nº 01/0000907/1996, interposto por José Díaz Sotelo, contra Resolución do 10-6-1996 da Consellería de Educación e Ordenación Universitaria, Delegación Provincial da Coruña, sobre a non admisión do fillo do reclamante para 2º curso, 2º ciclo de educación infantil no C.P. Labaca da Coruña.

En consecuencia, esta secretaría xeral acordou nesta data e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento, que son emprazadas para que poidan comparecer en autos na sección primeira da Sala do Contencioso-Administrativo do Tribunal Superior de Xustiza de Galicia no prazo de nove días.

Santiago de Compostela, 9 de xullo de 1996.

Máximo García Serrano

Secretario xeral da Consellería de Educación e Ordenación Universitaria

5888