O director-xerente do Complexo Hospitalario Juan Canalejo-Marítimo de Oza, en virtude das atribucións que lle foron delegadas por orde comunicada do presidente do Sergas do 29 de decembro de 1995, sobre delegación da tramitación e resolución da presente contratación, e unha vez cumpridos os trámites administrativos correspondentes, resolve anuncia-la licitación que a seguir se cita:
Obxecto: cafetería e comedor, tipo autoservicio, do novo Hospital Marítimo de Oza (contrato administrativo especial do artigo 5.2º b) da LCAP).
Orzamento: de acordo cos pregos, a contratación non supón gasto para a Administración, correspondendo tódolos custos ó adxudicatario.
Garantía provisional: 2.500.000 pesetas.
1. Forma de adxudicación: concurso, polo procedemento aberto e tramitación de urxencia.
2. Prazo de vixencia: desde a súa adxudicación ata, como máximo, o 31 de decembro do ano 2003.
3. Admisión de variantes: autorízase a presentación de ata dúas variantes a cada licitador, ademais da oferta básica.
4. Solvencia económica e financeira: acreditarase polos medios previstos no artigo 16.1º, letras a) e c) da LCAP.
5. Solvencia técnica ou profesional: acreditarase polo medio previsto no artigo 19, letra b) da LCAP.
6. Criterios de adxudicación: ve-lo número 10.1 do prego de cláusulas administrativas particulares.
7. Documentos de interese para os licitadores: o prego de cláusulas administrativas particulares e demais documentación complementaria poden ser solicitados na Dirección de Xestión-Sección de Investimentos (edifico da Escola de Enfermería, soto, anexo ó Hospital Juan Canalejo), As Xubias de Arriba, 84, 15006 A Coruña, en días laborables desde as 9 ata as 14 horas. Teléfono (981) 17 70 73. Fax (981) 17 80 71.
8. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral do Complexo Hospitalario Juan Canalejo, antes das 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia, ou enviadas por correo, dentro do prazo sinalado. Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano
de contratación a remisión da oferta mediante fax (981) 17 80 71 ou telegrama no mesmo día.
9. Apertura das proposicións: terá lugar na sala de xuntas de Xerencia do Complexo Hospitalario Juan Canalejo, a partir das 10 horas do décimo primeiro día natural contado desde o seguinte a aquel no que termine o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.
10. Documentación que deberán achega-los licitadores: os documentos que figuran no prego de cláusulas administrativas particulares.
11. Anuncios: os anuncios do presente concurso serán por conta do adxudicatario do contrato,
A Coruña, 25 de xuño de 1996.
Josep Santacreu Bonjoch
Director xerente do Complexo Hospitalario Juan Canalejo-Marítimo de Oza
5763