A Escola Galega de Administración Pública como centro oficial de docencia e investigación no campo da Administración pública ten entre os seus fins a investigación, a documentación, o estudio e a realización de traballos de divulgación en materias de dereito público e ciencia da Administración, con especial referencia ás peculiaridades galegas, podendo concerta-la realización de actividades con outros centros ou entidades de titularidade pública ou privada.
Así pois, en uso das funcións atribuídas pola Ley 4/1987, do 27 de maio, de creación da EGAP, e pola Lei 10/1989, do 10 de xullo, de modificación da anterior, convócase un curso de verán sobre a reforma administrativa que deberá desenvolverse segundo as seguintes bases,
Primeira.-Obxectivos.
Analizar e debater sobre as posibilidades de evolución do sistema administrativo e das súas perspectivas de futuro; ve-la liña de desenvolvemento seguida pola reforma administrativa nos países do noso contorno e as súas posibilidades, tanto na Administración galega coma na do Estado.
Segunda.-Destinatarios.
Estudiosos, profesionais e interesados en xeral, que desexen afondar na materia obxecto do curso.
Terceira.-Desenvolvemento.
-Lugar: Cambados, auditorio da Casa do Concello.
-Datas de realización: 6 e 7 de agosto, en horario de mañá e tarde.
Cuarta.-Contido.
1. Relatorios:
-Transformación do Estado e reforma administrativa nos países occidentais.
-Reformas recentes na Administración orzamentaria en Europa.
-A reforma administrativa da Xunta de Galicia.
-A Administración única na LOFAGE.
-A incidencia da formación na reforma administrativa.
-A reforma administrativa nas comunidades autónomas: balance e perspectivas.
2. Mesa redonda.
Quinta.-Inscrición.
Ata o 2 de agosto.
Sexta.-Tramitación de solicitudes.
As solicitudes dirixiranse ó director da Escola Galega de Administración Pública, polígono das Fontiñas, r/ Madrid, 2-4, 15703 Santiago de Com
postela, segundo o modelo que figura como anexo a esta convocatoria, e presentaranse no rexistro xeral da EGAP, por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Sétima.-Selección.
As prazas adxudicaranse por rigorosa orde de entrada no rexistro. Só se admitirán inscricións fóra de prazo se quedasen prazas baleiras e sempre que se cumpran os requisitos xerais antes indicados.
Oitava.-Modificacións.
A EGAP reserva para si a facultade de interpretar e resolve-las incidencias que puidesen xurdir no desenvolvemento do curso, así como a de cancelalo se o escaso número de solicitudes non xustificase a súa realización.
Novena.-Certificado de asistencia.
Outorgaráselles certificado de asistencia ós alumnos que participen con regularidade nas actividades programadas.
Décima.-Información.
Para máis información, os interesados poderán dirixirse a:
-Pontevedra: Delegación Provincial da Consellería da Presidencia e Administración Pública, r/ Benito Corbal, 47 1º (986) 85 07 58.
-Santiago de Compostela, Escola Galega de Administración Pública, r/ de Madrid, 2-4, polígono das Fontiñas (57 08 00).
-Cambados: oficinas municipais, praza do Concello, 1 (986) 52 20 60 e 52 61 62.
Santiago de Compostela, 22 de xullo de 1996.
Domingo Bello Janeiro
Director da Escola Galega de Administración Pública
5741
