A Deputación Provincial de Lugo, en sesión celebrada o día 28 de xullo de 1995, aprobou o proxecto 71 P.O.L. 95-Cospeito, E.P. Ponte Vilar a LU-III, e na sesión do 30 de outubro de 1995 acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa. Pola deputación foi remitida a documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Relacións Laborais o día 13 de febreiro de 1996, baixo o nº 1402.

Os bens nos que se concreta a declaración de urxente ocupación están determinados no expediente que se someteu a información pública.

A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 13 de febreiro de 1996, nº 1411.

Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque este proxecto figura incluído nun plan fiananciado con fondos estatais de colaboración local incluídos nos orzamentos xerais do Estado para o ano 1995 e, por tanto aplícaselle o disposto na correspondente lei así como no Art. 15 de RD 665/1990, do 25 de maio, que di: «O Plan Provincial de Cooperación deberá con carácter xeral, quedar totalmente executado dentro do ano seguinte a aquel no que fora concedida a subvención». Por todo o exposto precisa da ocupación urxente dos bens e dereitos para non malogra-los investimentos destinados a financiar esta obra.

A competencia para a declaración da urxente ocupación corresponde ó Consello da Xunta de Galicia segundo o dis posto nos artigos 27.2º e 28.2º do Estatuto de autonomía de Galicia.

Na súa virtude e por proposta do conselleiro de Xustiza, Interior e Relacións Laborais, e logo de deliberación do Consello da Xunta de Galicia na súa reunión do día dezaoito de xullo de mil novecentos noventa e seis,

DISPOÑO:

Artigo único.-De conformidade co disposto no artigo 52 da Lei de expropiación forzosa, declárase a urxente ocupación pola Deputación Provincial de Lugo, para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto 71 P.O.L. 95-Cospeito, E.P. Ponte Vilar a LU-III.

Santiago de Compostela, dezaoito de xullo de mil novecentos noventa e seis.

Manuel Fraga Iribarne

Presidente

Jesús C. Palmou Lorenzo

Conselleiro de Xustiza, Interior e Relacións Laborais

9605679