Actor: Banco de Crédito Industrial, S.A.

Demandado: Hamburgueserías Asociadas, S.L., Antonio Araújo Domínguez, Rosa Laborda Martínez, Pedro Álvarez Domínguez, María Luisa Míguez Fernández, Francisco González Rodríguez, Leonor Sola Fernández, Antonio Vidal González e Angelines Rodríguez Gómez.

Lorenzo Villalpando Lucas, secretario do Xulgado de Primeira Instancia e Instrucción número catro de Santiago de Compostela, fai saber, que neste xulgado do meu cargo se seguen autos de executivo número 504/1990, seguidos por instancia de Banco de Crédito Industrial, S.A., representado pola procuradora Ángeles Regueiro Muñoz contra Hamburgueserías Asociadas, S.L., Antonio Araújo Domínguez, Rosa Laborda Martínez, Pedro Álvarez Domínguez, María Luísa Míguez Fernández, Francisco González Rodríguez, Leonor Sola Fernández, Antonio Vidal González e Angelines Rodríguez Gómez, de quen se descoñece o domicilio, sobre reclamación de cantidade. E nos ditos autos dictouse sentencia con encabezamento e decisión do teor literal seguinte:

«Sentencia.-Na cidade de Santiago de Compostela o vinteún de febreiro de mil novecentos noventa e seis.

Vistos por Rosa del Carmen Collazo Lugo, maxistrada do Xulgado de Primeira Instancia número catro dos deste partido os presentes autos de xuízo verbal executivo nº 504/1990, sendo demandante a entidade Banco Exterior de España, S.A., baixo a representación procesual da procuradora Regueiro Muñoz, e a defensa letrada de Javier Álvarez Santullano Muñoz; e aparecendo como parte demandada a entidade Hamburgueserías Asociadas, S.L., Antonio Araújo Domínguez, Rosa Laborda Martínez, Leonor Sola Fernández, Antonio Vidal González, Angelines Rodríguez Gómez, todos eles maiores de idade e en situación procesual de rebeldía, demandado igualmente Pedro Álvarez Domínguez, María Luísa Míguez Fernández e Francisco González Rodríguez, maiores de idade, baixo a representación procesual da procuradora Sánchez Silva e a defensa letrada de Emilio Atrio Abad.

(Seguen antecedentes de feito e razoamentos xurídicos).

Decido, que desestimando as excepcións de falta de lexitimación pasiva, pagamento e pacto de pedir alegadas por Pedro Álvarez Domínguez, María Luísa Míguez Fernández e Francisco González Rodríguez, debo estimar e estimo integramente a demanda interposta pola entidade Banco Exterior de España, S.A., mandando seguir adiante ata facer remate dos bens embargados, e dos que no sucesivo poidan embargarse ós demandados Hamburgueserías Asociadas, S,L., Antonio Araújo Domínguez, Rosa Laborda Martínez, Pedro Álvarez Domínguez, María Luísa Míguez Fernández, Francisco González Rodríguez, Leonor Sola Fernández, Antonio Vidal González e Angelines Rodríguez Gómez, e co seu producto facer completo e enteiro pagamento á actora da suma reclamada como principal por importe de 28 406 645 ptas., mailos xuros legais das ditas sumas coa imposición de custas á parte demandada.

Así, por esta miña sentencia, pronúncio, mándoo e asínoo. Asinado e rubricado».

E para que sirva de notificación en forma á parte demandada rebelde esténdese o presente edicto en Santiago de Compostela, o dezanove de abril de mil novecentos noventa e seis.

O secretario

Rubricado

5081