O Xurado Provincial de Clasificación de Montes Veciñais de Pontevedra, en sesión celebrada o día 20 de xuño de 1995, acordou inica-los trámites para a clasificación como veciñal en man común do seguinte monte:
Concello: Pontevedra.
Parroquia: Salcedo.
Nome do monte: Monte das Casiñas.
Cabida: 3.245 m.
Lindes
-Norte: estrada comarcal-Palacio.
-Leste: predios particulares e camiño.
-Sur: predios particulares.
-Oeste: camiño veciñal.
Descrición do perimetro: comezando no NO da parcela atopámonos no cruzamento da estrada comarcal-Palacio cun camiño veciñal a partir dese punto, en dirección E seguimo-lo estrada ata un camiño e predios particulares. Neste punto o perímetro toma direccion S seguindo un camiño e o limite con predios particulares de Dorinda Lores, Dolores Pereira, Agustin Malvar, Valentín Malvar e Manuel Pérez Liño onde torce en dirección O polo lindeiro da predio particular de Antonio Malvar, ata atopar un camiño veciñal.
A continuación segue en dirección N polo camiño veciñal ata cerra-lo perímetro no punto de partida.
O que se pon en coñecemento de tódolos interesados, para efectos de abrir un período de información dun mes de duración para que poida examina-lo expediente e aducir durante este tempo o que se considere procedente en relación co monte de referencia, todo isto de acordo co disposto no artigo 11 da Lei do Parlamento de Galicia 13/1989, do 10 de outubro, de montes veciñais en man común, e o artigo 23.2º do Decreto 26O/1992 polo que se aproba o regulamento para a execución da dita lei.
Pontevedra, 27 de maio de 1996.
Jose Luis Díez Yáñez
Presidente do Xurado Provincial de Montes Veciñais en Man Común de Pontevedra
4817