Aprobada inicialmente polo Pleno do Concello, na sesión celebrada o día 15 de xuño de 1996, a modificación puntual das normas subsidiarias de planeamento do Concello de Laxe, consistente na reordenación de espacios públicos e edificacións no contorno do mercado municipal, recualificando unha parcela de titularidade municipal sita na parte posterior del como chan residencial denso o mesmo que o rueiro do que forma parte, que na actualidade figura como especio público, ara situar no andar baico dela o novo mercado municipal, e eliminado a parcela de equipamentos que ocupa o mercado municipal na actualidade, pasando a ser espacio libre, de modo que se poida executar de maneira axeitada todo o espacio libre resultante, no que se formará unha praza pública; exponse ó público o expediente durante o prazo dun mes, que se contará a partir do día seguinte ó da publicación do derradeiro anuncio no diario La Voz de Galicia, no Diario Oficial de Galicia ou no BOP.
Durante o devandito prazo, poderase examina-lo expediente por calquera que o desexe para formula-las alegacións ou observacións que considere pertinentes.
Así mesmo, faise pública a suspensión do outorgamento de licencias de parcelación, edificación e demolición no ámbito da parcela de titularidade municipal sita na parte posterior do mercado actual, e así mesmo no ambito da parcela de equipamentos de tiutlaridade municipal que actualmente ocupa o mercado municipal existente, afectadas ambas pola modificación puntual das N.S.P.N. en trámite.
Non obstante, e de conformidade co disposto no artigo 120.1º do Regulamento de planeamento, poderán concederse licencias baseadas no réxime vixente, sempre que se respecten as determinacións do novo planeamento.
A suspensión terá unha duración máxima dun ano e extinguirase, en todo caso, coa aprobación definitiva da modificación puntual das N.S.P.M.
Laxe, 19 de xuño de 1996.
Antonio Castro Lema
Alcalde-presidente
4928