Por Orde do 22 de xaneiro de 1996, convocáronse dúas bolsas para realizar estudios en temas relacionados coa Unión Europea, no Colexio de Europa en Bruxes.
Na súa virtude, de acordo coa proposta elaborada pola comisión de selección e unha vez que o Colexio
de Europa en Bruxes confirmou a admisión do candidato seleccionado por ela,
DISPOÑO:
Artigo 1º
Conceder a Jesús María Durán Lozano unha bolsa para realizar estudios de especialización en temas relacionados coa Unión Europea e o proceso de integración europeo, no Colexio de Europa con sede en Bruxes.
Artigo 2º
Declarar deserta a segunda bolsa convocada na Orde do 22 de xaneiro de 1996.
Artigo 3º
Contra a presente disposición, que pon fin á vía administrativa segundo o disposto no artigo 109.C da Lei 30/1992, de réxime xurídico das administracións públicas e do procedemento administrativo común, pódese interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados a partir da entrada en vigor da presente orde, de acordo co disposto nos artigos 57 e seguintes da Lei da xurisdicción contencioso-administrativa.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 24 de xuño de 1996.
Celso Currás Fernández
Conselleiro de Educación e Ordenación Universitaria
4993