Ó amparo do disposto no capítulo II do Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, Planta Eólica de Galicia S.A., con domicilio social na r/ Goya, 85, Madrid, solicitou a aprobación do plan eólico estratéxico denominado P.E.E. Nordtank, onde se prevé o programa de actuacións que se vai desenvolver por un período de 8 anos, cun investimento global estimado de 12.000 millóns de pesetas.
Para os efectos previstos no apartado 2º do artigo 5 do citado Decreto 205/1995, do 6 de xullo, a solicitude presentada publicouse no DOG do 6 de setembro de 1995 e no BOE do 9 de setembro de 1995, presentándose solicitudes en competencia por Endesa-Made, Desarrollos Eólicos S.A., Ecotecnia SCCL, Gamesa, Energía Eólica de Galicia, Unión Fenosa Energías Especiales e Hidroener.
Considerando que no informe técnico realizado pola Dirección Xeral de Industria para a resolución da competencia presentada se seguíron os seguintes criterios de avaliación dos plans eólicos afectados:
-Planificación enerxética.
-Estudio contrastado dos datos eólicos existentes.
-Viabilidade económica dos plans.
-Achega tecnolóxica e efectos industriais dos plans.
Considerando que a Consellería de Industria e Comercio da Xunta de Galicia é competente para a aprobación do plan eólico estratéxico que se solicita, con base no Estatuto de autonomía de Galicia; o Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia; o Decreto 132/1982, do 4 de novembro, sobre asunción de competencias en materia de industria, enerxía e minas; o Decreto 209/1990, do 15 de marzo, en relación coa Lei 40/1994, do 30 de decembro, de ordenación do sistema eléctrico nacional, e o Decreto 205/1995, do 6 de xullo, e por proposta da Dirección Xeral de Industria,
RESOLVO:
Aproba-lo plan eólico estratéxico P.E.E. Nordtank referido ás áreas recollidas no anexo I da presente resolución, cunha previsión de potencia de 75 MW.
A presente resolución implica o outorgamento do dereito de investigación nas áreas de referencia,
así como o dereito preferente, nas citadas áreas, á autorización das instalacións de aproveitamento de enerxía eólica, conforme o sinalado no artigo 8 do Decreto 205/1995, do 6 de xullo.
A aprobación do plan eólico estratéxico vincula á Administración e a Planta Eólica de Galicia, S.A., sen prexuízo das futuras resolucións que se adopten para o suposto de non exercita-lo dereito preferencial previsto no artigo 8 do citado Decreto 205/1995, do 6 de xullo.
A aprobación do plan eólico estratéxico outórgase de acordo coas seguintes condicións:
Primeira.-Planta Eólica de Galicia, S.A. realizará a investigación de 20 áreas (3 propias + 17 de Unión Fenosa Energías Especiales, S.A.), cun investimento total de 15.000.000 de pesetas, e deberá presentar un informe trimestral á Dirección Xeral de Industria dos datos obtidos nas áreas de investigación.
O investimento que se realizará nas áreas compartidas con Unión Fenosa Energías Especiales S.A. é de 58.135.000 ptas. e xa figura consignada no P.E.E. de Unión Fenosa Energías Especiales, S.A.
Segunda.-Planta Eólica de Galicia, S.A. iniciará a execución do plan industrial en novembro de 1996, e deberá executa-lo dito planeamento nas condicións sinaladas no anexo II da presente resolución, salvo imposibilidades técnicas ou causa de forza maior debidamente xustificada.
En calquera momento poderá a Administración solicita-la documentación que estime pertinente para verifica-lo cumprimento do establecido neste apartado.
Terceira.-A modificación do plan eólico estratéxico ou o incumprimento das condicións impostas nesta resolución e na autorización para a montaxe das instalacións será causa de resolución da presente aprobación.
Sen embargo, se por alteración substancial das circunstancias ou por outras causas sobrevidas, non fose axeitado o mantemento dalgunha ou algunhas das instalacións previstas no plan eólico estratéxico que se aproba, a empresa poderá solicitar da Consellería de Industria e Comercio da Xunta de Galicia:
1. Autorización para a modificación ou substitución das actuacións, sen altera-las restantes condicións do plan eólico estratéxico que será outorgada pola Dirección Xeral de Industria, ou ben.
2. A aprobación dun novo plan eólico estratéxico para novas instalacións, se a importancia dos investimentos así o xustifican, tendo en conta sempre os dereitos que terceiros interesados poidan ter.
Cuarta.-Planta Eólica de Galicia, S.A., poderá transferir en calquera momento os dereitos dimanantes da presente aprobación coa previa autorización da Consellería de Industria e Comercio da
Xunta de Galicia, subrogándose o novo titular en tódalas obrigas e dereitos do transmitente derivados do plan eólico aprobado.
Quinta.-Dos 184 MW previstos para Planta Eólica de Galicia, S.A., no plan aprobado a Unión Fenosa Energías Especiales S.A., se non se acadase esta potencia, a empresa Planta Eólica de Galicia S.A., terá preferencia para optar á solicitude de novas áreas segundo a lista presentada na súa solicitude de plan eólico estratéxico.
Sexta.-A aprobación outórgase sen prexuízo de terceiros e deixando a salvo os dereitos particulares.
Sétima.-Esta aprobación outórgase sen prexuízo e independentemente das autorizacións, licencias ou permisos de competencia municipal, provincial ou outros necesarios para a realización das obras das instalacións de aproveitamento eólico.
Contra a presente resolución, que é definitiva na vía administrativa, poderá interpoñerse, se é o caso, recurso contencioso administrativo no prazo de dous meses contado desde o día seguinte ó da súa publicación, logo de comunicación a esta consellería, conforme o establecido no artigo 57.2º da Lei reguladora da xurisdición contencioso-administrativa, do 27 de decembro de 1956, na súa nova redacción dada pola disposición adicional décimo primeira da Lei 30/1992, do 26 de novembro.
Santiago de Compostela, 30 de abril de 1996.
Antonio Couceiro Méndez
Conselleiro de Industria e Comercio
ANEXO I
Planta Eólica de Galicia, S.A.
X-lonx W Y-lat NNome Municipios Vértices
A Coriscada Muras 607.0004.817.044,12 Ourol 608.2004.816.875 608.2004.815.450 610.7204.815.400 610.7204.816.606,47 611.6254.816.500 611.6254.812.000 608.3754.812.000 607.0004.813.000
X-lonx W Y-lat NNome Municipios Vértices
Barbanza Porto do Son 0.503.5254.726.075 Boiro 0.503.5254.727.200 0.504.5004.728.350 0.505.5004.728.225 0.506.5004.729.625 0.506.5004.730.000
X-lonx W Y-lat NNome Municipios Vértices
0.507.1254.730.000 0.507.1254.729.000 0.504.7504.725.750 0.503.5254.726.075
X-lonx W Y-lat NNome Municipios Vértices
A Capelada Cedeira 583.3004.840.000 Ortigueira 583.1004.838.900 583.6504.838.350 583.1004.837.800 583.8004.837.100 584.3824.837.618 586.3754.835.875 584.5004.834.250 583.7504.836.750 581.7504.838.575
ANEXO II
Documento de síntese
Plan eólico estratéxico.
O plan eólico estratéxico terá unha duración de 8 anos e suporá un investimento global estimado de 12.000 millóns de ptas.
Plan de investigación eólica.
A empresa Planta Eólica de Galicia, S.A. realizará a investigación de 20 áreas (3 propias + 17 de Unión Fenosa Energías Especiales, S.A.) facendo un investimento de 15.000.000 de ptas. nas súas áreas propias, acadando un investimento medio de 5.000.000 de ptas. por área.
O investimento e investigación, que se realizará nas áreas compartidas con Unión Fenosa Energías Especiales S.A., é de 58.135.000 ptas. e xa figura consignada no P.E.E. Unión Fenosa Energía Especiales S.A.
As 17 áreas de estudio correspondentes ó plan de Unión Fenosa Energías Especiales S.A. investigaranse conxuntamente no prazo mínimo dun ano e máximo de ano e medio.
Planta Eólica de Galicia, S.A. usuará como entidade colaboradora para a investigación a empresa galega Gestenga, debendo non obstante presentar un informe trimestral á Consellería de Industria dos datos obtidos nas áreas de investigación.
Plan industrial.
A empresa Planta Eólica de Galicia, S.A. desenvolverá o dito plan realizando as seguintes actuacións no referente a novas instalacións.
Fabrica: ensamblaxes.
Localidade: provincia de Lugo.
Investimento (M ptas.):
Edificación (1).
Medios de producción: 440
Estimación de emprego: 30-35
Inicio da construcción: novembro 1996.
Data da operación: decembro 1996.
Producción Ud/ano: 100
Total medios de producción: 440
Total estimación de emprego: 30-35
(1) Nos edificios procederase á reforma ou acondicionamento dalgún existente.
Así mesmo, a compañía Planta Eólica de Galicia S.A. realizará o 60,1% como mínimo da fabricación do aeroxerador en Galicia, ben directamente mediante as súas propias fábricas, ou ben mediante subministradores galegos e/ou empresas implantadas en Galicia segundo se detalla na seguinte táboa:
aeroxerador investimento
totalCompoñente % sobre o
% sobre o
Pas 24,5 12,75 Torres 13,8 8,2
aeroxerador investimento
totalCompoñente % sobre o
% sobre o
Buxa 1,1 1,55 Eixes 3,5 2,80 Chasis 4,4 2,70 Armario eléctrico 4,5 2,70 Freos 0,2 0,45 Coroa 1,9 1,75 Acoplamentos 0,6 0,70 Ensamblaxe 5,0 2,90 Grupo oleohidráulico 0,6 0,50 Total 60,1 37 Obra civil e enxeñería (A) 14,00 Infraestructura eléctrica (B) 15,00 Montaxe e transporte (C) 9,00 Subtotal A+B+C 38.00 % do investimento total en Galicia 75 (1)
(1) A porcentaxe do investimento total en Galicia cumprirase desde o inicio do plan industrial en outubro de 1996.
4874