Esta consellería, unha vez cumpridos os trámites administrativos correspondentes, resolveu anunciar concurso, por procedemento aberto, para obra, declarada de urxencia, que se cita:

-Reforma e ampliación da Facultade de Ciencias Económicas e Empresariais do Campus Universitario da Zapateira. A Coruña.

Orzamento de licitación: 444.214.199 (catrocentos corenta e catro millóns duascentas catorce mil cento noventa e nove pesetas). Non se admiten variantes económicas.

Prazo de execución: 24 meses.

Clasificación requirida: grupo C, categoría E.

Exposición de proxecto: o proxecto e mailo prego de cláusulas administrativas particulares estarán de manifesto na Subdirección Xeral de Construccións e Equipamento, da secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das 9 ás 14 horas. Os pregos de cláusulas administrativas particulares tamén se poderán examinar nas delegacións provinciais de Educación.

Prazo de presentación de proposicións: rematará o décimo terceiro día natural contado a partir do día seguinte ó da publicación desta resolución no Diario Oficial de Galicia.

Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, haberá que aterse o disposto na cláusula 8.1 do prego das administrativas particulares.

Documentación que presentarán os licitadores: a especificada nas cláusulas 8.2, 8.3 e 8.4 do prego das administrativas particulares.

Exame da documentación: a mesa de contratación cualificará as documentacións presentadas e publicará a continuación no taboleiro de anuncios desta consellería, o resultado da dita cualificación, co fin de que se emenden, dentro do prazo que se indique, os defectos materiais observados na documentación.

Apertura de proposicións: realizaraa a mesa de contratacio ás 12 horas do terceiro día hábil seguinte ó de terminación do prazo, na sala de xuntas desta consellería.

O importe deste anuncio correrá por conta da empresa adxudicataria.

Santiago de Compostela, 12 de xuño de 1996.

Máximo García Serrano

Secretario xeral da Consellería de Educación e Ordenación Universitaria

778