No artigo 28 do vixente Estatuto de autonomía de Galicia, no seu apartado 2º establécese a competencia da Comunidade Autónoma galega sobre o desenvolvemento lexislativo, así como a execución lexislativa do Estado en materia de expropiación forzosa.
As obras descritas no encabezamento da presente resolución están incluídas no programa de obras que se van realizar con cargo ó programa 413-B, construcción, conservación e explotación de estradas.
Con data do 30 de xaneiro de 1996 procedeuse á aprobación do proxecto de trazado da obra de alargamento, mellora e reforzo do firme da estrada C-531 de Celanova a Cortegada, treito: Celanova-Ramirás, clave: N-OUR-90.6.1, polo conselleiro de Política Territorial, Obras Públicas e Vivenda.
Con data do 8 de febreiro de 1996, a Xunta de Galicia, procedeu á declaración da utilidade pública e urxente ocupación dos bens e dereitos afectados pola execución do proxecto de alargamento, mellora e reforzo do firme da estrada C-531 de Celanova a Cortegada, treito: Celanova-Ramirás, clave: N-OUR-90.6.1, polo Decreto 57/1996 publicado no DOG nº 37.
Na súa virtude, e en cumprimento do disposto no artigo 52 da vixente Lei de expropiación forzosa, do 16 de decembro de 1954, e concordantes do Regulamento para a súa aplicación, este servicio, no uso das facultades que lle confire o artigo 98 da mencionada Lei de expropiación forzosa, resolveu convoca-los titulares de bens e dereitos afectados que figuran no taboleiro da Casa do Concello de Celanova e Ramirás, para os efectos previstos no mencionado artigo 52 e sinala-la data, os lugares e horas que de seguido se citan, para proceder ó levantamento das actas previas á ocupación que recollan os datos necesrios para determina-los
dereitos afectados, o valor destes, e os prexuízos derivados da rápida ocupación, sen prexuízo de se trasladaren ó lugar dos predios se se considera preciso.
Lugar do levantamento das actas previas
Casa do Concello de Celanova
Data Horas Número de predios
15-7-1996 9 a 13 1 ó 40 15-7-1996 16 a 19 41 ó 80 16-7-1996 9 a 13 81 ó 130 16-7-1996 16 a 19 131 ó 181 17-7-1996 9 a 13 182 ó final
Lugar do levantamento das actas previas
Casa do Concello de Ramirás
Data Horas Número de predios
17-7-1996 9 a 13 1 ó 50 18-7-1996 9 a 13 51 ó 100 18-7-1996 16 a 19 101 ó 151 19-7-1996 9 a 13 152 ó 202 19-7-1996 16 a 19 203 ó final
Ó devandito acto deberán acudi-los titulares afectados persoalmente ou ben representados por persoas debidamente autorizadas para actuaren no seu nome, achegando os documentos acreditativos de titularidade, DNI, e o último recibo da contribución, podéndose acompañar á súa costa, se o consideran preciso, dos seus peritos e notario.
Así mesmo e en cumprimento do establecido no artigo 56 do Regulamento da Lei de expropiación forzosa, ábrese información pública perante un prazo de 15 días ou, en todo caso, ata o momento do levantamento das actas previas a ocupación correspondente, co fin de que os interesados poidan formular por escrito diante deste Servicio Provincial de Estradas da Xunta de Galicia en Ourense, r/ Sáenz Díez, 1, as alegacións que consideren oportunas co obxecto de emendar posibles erros padecidos ó relaciona-los bens afectados por uxente ocupación.
Ourense, 18 de xuño de 1996.
Xosé Manuel González Sánchez
Xefe do Servicio de Estradas de Ourense
4965
