Visto o expediente de revogación do título-licencia á axencia de viaxes Viajes Outes, S.L. sita na r/ Xeneral Franco, 22 de Serra de Outes (A Coruña), da que é titular a sociedade mercantil Viajes Outes, S.L. e representante legal Franco José Sande Viña.
Resultando que ó abeiro do establecido no artigo 11 do Decreto 155/1989, do 22 de xuño, polo que se aproba o Regulamento das axencias de viaxes de Galicia, notificóuselle á citada sociedade mediante oficio do 5 de febreiro de 1996, a obrigatoriedade de presentar perante a Secretaría Xeral para o Turismo no prazo de 15 días, a documentación a que fai referencia o artigo 12 do referido decreto.
Resultando que a titularidade da axencia de viaxes Viajes Outes, S.L. non presentou a documentación requirida, polo que continúa sen cumprir cos requisitos e prescricións contidas no mencionado regulamento.
Considerando que ó ter transcorrido sobradamente o prazo sinalado pola normativa vixente sen que a citada axencia presentase a documentación requirida, iniciouse de oficio pola Secreraría Xeral para o Turismo con data 5-2-1996, o correspondente expediente de revogación do seu título-licencia, de conformidade co establecido nos artigos 11 e 12 do Decreto 155/1989, do 22 de xuño, polo que se aproba o devandito regulamento.
Considerando que na tramitación do expediente se observaron tódolos requisitos e formalidades establecidos regulamentariamente.
Vistos a Lei 1/1983, do 22 de febreiro, reguladora da Xunta e do seu presidente, a Lei 30/1992, do 26 de novembro, de réxime xurídico das administracións públicas e do procedemento administrativo común, e o Decreto 155/1989, do 2 de xuño, polo que se aproba o regulamento das axencias de viaxes de Galicia, esta consellería,
RESOLVE:
Revoga-lo título-licencia da axencia de viaxes Viajes Outes, S.L., con código identificativo XG-75 e casa central en Serra de Outes (A Coruña), na r/ Xeneral Franco, 22.
Contra esta resolución, o interesado poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous
meses contados desde o día seguinte ó da súa publicación no Diario Oficial de Galicia.
Santiago de Compostela, 7 de xuño de 1996.
Dositeo Rodríguez Rodríguez
Conselleiro da Presidencia e Administración Pública
9604967