Eu, José Ignacio Feijoo Juarros, notario do Ilustre Colexio da Coruña, con residencia na vila da Pobra do Caramiñal, substituto da notaría da cidade da data, vacante actualmente, e cumprindo o procedemento iniciado polo que foi notario desta, o meu compañeiro José Manuel Lois Puente, procedo, de acordo co establecido nos artigos 129 e seguintes da Lei hipotecaria, regulado nos artigos 234 e seguintes do seu regulamento, a convoca-la poxa do seguinte predio:

«Campos de Cobasa» ou «Conchido», sito na parroquia de Aguiño deste concello, de dúas hectáreas, dez áreas corenta e nove centiáreas de superficie. Linda: norte, camiño de carro e en parte predios de Manuel Sieira Reiriz, Manuel Dios Reiriz, Manuel Dios Romay e dos cónxuxes Juan Fernández Sampedro e Generosa Santamaría Monteagudo; sur, o océano Atlántico; leste, o mesmo océano e, en parte, dos esposos Juan Fernández Sampedro e Generosa Santamaría Monteagudo; e oeste, camiño de carro, e despois de Dolores Sampedro Ayaso, Ángel Monteagudo Reiriz e Andrés Suárez Bretal, e, en parte, océano Atlántico. Sobre o dito predio existen as seguintes edificacións: estación depuradora, nave de depuración e depósito de augas. Está inscrita no Rexistro de Noia no tomo 667, libro 156 de Ribeira, predio 9.004 N.

A dita poxa celebrarase no meu despacho, sito nesta cidade, rúa Otero Pedrayo 3-2º, ás 12 horas do día 15 de xullo do presente ano. O prezo de saída do dito predio será de douscentos dez millóns de pesetas. Atópase á disposición dos interesados na mesma, para a súa consulta, a documentación e certificación a que aluden os artigos 236-a e 236-b do Regulamento hipotecario. Entenderase que todo licitador acepta como bastante a titulación. Así mesmo faise constar que as cargas, gravames e asentos anteriores á hipoteca que se execute continuarán subseguintes.

De non presentarse postor ningún ou non resultar adxudicado o predio nesta primeira poxa celebrarase, neste mesmo lugar, unha segunda, con reducción dun 25% no tipo, o día 5 de agosto ás 12 horas. E de ocorre-lo mesmo nesta, celebrarase unha terceira, sen suxeición a tipo, no mesmo lugar o día 26 de agosto ás 12 horas.

E polo presente anuncio, para a súa publicación no Diario Oficial de Galicia, cumprindo o establecido no artigo 236-f.3 do Regulamento hipotecario, ponse en coñecemento de a cantos poida interesar.

En Santa Uxía de Ribeira o trece de xuño de mil novecentos noventa e seis.

Rubricado

4733