Cumpridos os trámites regulamentarios no correspondente expediente administrativo, o Instituto Galego da Vivenda e Solo anuncia a contratación, polo sistema de concurso aberto, da seguinte obra:
Obxecto: construcción de 12 vivendas na Pastoriza, Lugo. Expediente LU-96/020.
Orzamento: 90.901.894 ptas.
Sistema de adxudicación: concurso aberto.
Prazo de execución: 12 meses.
Garantía provisional: dispensada en aplicación do Real decreto 1883/1979, do 1 de xuño.
Garantía definitiva: 3.636.076 pesetas.
Clasificación esixida: C-2, C-4, C-6, C-7.
Categoría do contrato: d.
Documentos de interese para os licitadores: o prego de cláusulas administrativas particulares, así como o prego de prescricións técnicas que han de rexe-la contratación, estarán de manifesto e á disposición dos concursantes para o seu exame durante o prazo de presentación de proposicións no Instituto
Galego da Vivenda e Solo, na Área Central, polígono das Fontiñas en Santiago de Compostela, desde as 9 ás 14 horas, de luns a venres.
Modelo de proposición: proposición económica formulada estrictamente conforme o modelo que se xunta no anexo I do prego de cláusulas administrativas particulares.
Prazo de presentación: as proposicións presentaranse no rexistro xeral do Instituto Galego da Vivenda e Solo, antes das 14 horas do vixésimo sexto día natural, que non coincida en sábado ou festivo, seguinte ó da publicación deste anuncio no Diario Oficial de Galicia. De coincidir en sábado ou festivo, o prazo rematará o primeiro día hábil seguinte.
Apertura de proposicións: a mesa de contratación reunirase en sesión pública ás 10 horas do décimo primeiro día natural, contado a partir do último día de presentación de proposicións, na sala de xuntas do Instituto Galego da Vivenda e Solo. De coincidir en sábado ou festivo, a mesa reunirase o primeiro día hábil seguinte.
Documentos que deben achega-los licitadores: serán os indicados na cláusula 9ª do prego de cláusulas administrativas particulares.
Santiago de Compostela, 12 de xuño de 1996.
P.D. (Resolución 6-4-1995)
José Antonio Redondo López
Director xeral do Instituto Galego da Vivenda e Solo
9604702
