Esta Consellería de Cultura, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, as contratacións que se citan:
-Asistencia técnica de traballos de restauración do retábulo da Batalla de Lepanto ou da Virxe do Rosario-igrexa de San Domingos de Tui (Pontevedra).
Orzamento de licitación: 4.000.000 de ptas. (catro millóns de pesetas), IVE incluído.
Prazo de execución: seis (6) meses.
-Asistencia técnica de traballos de restauración do retábulo maior da igrexa do pazo de Sta. Cruz de Ribadulla-Vedra (A Coruña).
Orzamento de licitación: 3.000.000 de ptas. (tres millóns de pesetas), IVE incluído.
Prazo de execución: seis (6) meses.
-Asistencia técnica de traballos de restauración do calvario gótico da catedral de Santiago de Compostela.
Orzamento de licitación: 3.000.000 de ptas. (tres millóns de pesetas), IVE incluído.
Prazo de execución: seis (6) meses.
-Obra de rehabilitación da igrexa de Sta. María de Montederramo-fase I (Ourense).
Orzamento de licitación: 164.991.381 ptas. (cento sesenta e catro millóns novecentas noventa e unha mil trescentas oitenta e unha pesetas), IVE incluído.
Prazo de execución: seis (6) meses.
Clasificación do contratista: grupo K, subgrupo 7, categoría E.
Nos devanditos traballos non se esixe fianza provisional.
Exposición dos proxectos e dos pregos: os proxectos técnicos, os pregos de características técnicas e os pregos de cláusulas administrativas estarán de manifesto no Servicio de Obras e Contratación
da Consellería de Cultura, e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.
Prazo de presentación de proposicións: será de 13 días naturais contados a partir do día seguinte á publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicióins se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares.
Os licitadores que opten a máis dunha contratación deberán presentar toda a documentación para cada unha delas.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso correrá por conta dos adxudicatarios.
Santiago de Compostela, 4 de xuño de 1996.
Rubén Víctor Lois Calviño
Secretario xeral da Consellería de Cultura
4236
