Visto o expediente de recoñecemento de interese galego e a inscrición no Rexistro de Fundacións de Interese Galego da Fundación Nelson Zumel, con domicilio en Lugo, r/ Centolo nº 18.

Supostos de feito:

Primeiro.-O 1 de marzo de 1996 solicitouse o recoñecemento de interese galego e a inscrición no Rexistro de Fundacións de Interese Galego da Fundación Nelson Zumel por medio de escrito presentado por Jesús Busto Peteiro, na súa calidade de portavoz da fundación.

Segundo.-A fundación constitúese en escritura pública, outorgada en Pontevedra, o día 14 de

febreiro de 1996, ante o notario do Ilustre Colexio da Coruña César Cunqueiro González-Seco, co número trescentos trece do seu protocolo, por José Nelson González Rodríguez, Jesús Busto Peteiro e Miguel Domínguez Rodríguez no seu propio nome e dereito e, ademais, José Nelson González Rodríguez en nome e representación de Mercedes Abajo Lera, José Luis González Abajo, Olga González Abajo, José Luis Balbas González, Eduardo Tamayo Barrena e José Luis Yzaguirre Romero; Jesús Busto Peteiro, en nome e representación de Carlos de Blas Armada.

Terceiro.-A comisión integrada polos secretarios xerais de tódalas consellerías elevoulle ó conselleiro da Presidencia e Administración Pública a proposta de clasificación como cultural da Fundación Nelson Zumel, dado o seu obxecto e finalidade, polo que, cumpríndose os requisitos esixidos na Lei 7/1983, do 22 de xuño, e na Lei 11/1991, do 8 de novembro, de reforma da lei anterior, de réxime das fundacións de interese galego, e segundo establece o artigo 32.1º e 2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, correspóndelle a execución das facultades inherentes a aquel á Consellería de Cultura.

Cuarto.-Á vista da proposta da Comisión de Secretarios Xerais pola orde da Consellería da Presidencia e Administración Pública do 11 de abril do 1996 (DOG do 27 de abril) clasificouse como cultural a Fundación Nelson Zumel, tendo en conta o disposto no artigo 32.3º.a) do Regulamento de organización e funcionamento do protectorado das fundacións de interese galego.

Quinto.-Segundo consta no artigo 5 dos seus estatutos o obxecto e finalidade da fundación é a difusión, promoción e estudio da obra pictórica de Nelson Zumel, en tódalas súas ramas e especialidades e poderá estende-los seus programas a disciplinas instrumentais e complementarias. Así mesmo a fundación dedicará a súa actividade á difusión, promoción e estudio da pintura española dos séculos XIX e XX, en tódalas súas ramas e especialidades, e poderá estende-los seus programas a disciplinas instrumentais e complementarias.

Para os indicados efectos, fomentará e protexerá a realización de estudios de toda índole sobre a obra pictórica de Nelson Zumel e a pintura española dos séculos XIX e XX, xa sexan de carácter teórico ou aplicativo; atenderá á transmisión destes coñecementos pictóricos e coidará do intercambio de experiencias e estudios con institucións públicas e privadas de todo o mundo relacionadas con estes temas. Tamén patrocinará premios que estimulen estes fins.

Sexto.-Na escritura pública pola que se constitúe a fundación, constan, entre outros, os seguintes puntos: acreditación da personalidade dos fundadores, dotación inicial da fundación, estatutos nos que

consta a denominación da fundación como Fundación Nelson Zumel, capacidade xurídica, enderezo e obxecto.

O padroado da fundación está integrado polos seguintes membros: José Nelson González Rodríguez como presidente, Mercedes Abajo Lera como vicepresidenta, José Luis González Abajo como secretario, Olga González Abajo como tesoureira, Jesús Busto Peteiro e José Luis Yzaguirre Romero como portavoces e José Luis Balbas González, Miguel Domínguez Rodríguez, Eduardo Tamayo Barrena e Carlos de Blas Armada como vocais.

Fundamentos de dereito:

Primeiro.-O artigo 34 da Constitución española recoñece o dereito de fundación para fins de interese xeral, de acordo coa lei. O artigo 27. 26º do Estatuto de autonomía para Galicia atribúelle a esta comunidade competencia exclusiva sobre o réxime das fundacións de interese galego.

Segundo.-Conforme o artigo 32.3º a) do Regulamento de organización e funcionamento do protectorado das fundacións de interese galego, así como o artigo 1 do Decreto 12/1990, é competencia desta consellería a declaración de interese galego e inscrición no Rexistro de Fundacións de Interese Galego da Fundación Nelson Zumel, dado o seu obxecto, coincidente coas competencias desenvolvidas pola Consellería de Cultura, asumindo as funcións que en canto a protectorado lle corresponden á Xunta de Galicia.

Terceiro.-Ó amparo do disposto no artigo 7.5º da Lei 7/1983, do 22 de xuño, á realización da finalidade fundacional débense destinar, cando menos, o oitenta por cento das rendas que obteña a fundación e dos outros ingresos que non formen parte da dotación da fundación.

Cuarto.-A Lei 11/1991, do 8 de novembro, dálle unha nova redacción ó artigo 21.2º da Lei 7/1983, establecendo a obriga de, por unha banda, formular e presenta-lo orzamento de ingresos e gastos ó protectorado con anterioridade ó inicio do excercicio económico e, por outra, a de efectuar un inventario-balance, pechado na data da finalización do exercicio, unha memoria das actividades realizadas ó longo do ano e de xestión económica do patrimonio, así como a liquidación do orzamento de ingresos e gastos do ano anterior, que deberán presentarse ó protectorado no prazo de seis meses desde a data do peche do exercicio.

Este conxunto de obrigas débense entender asumidas pola fundación, aínda que non se recollan expresamente nos seus estatutos.

Quinto.-Á vista do exposto pódense entender substancialmente cumpridos os requisitos legais e regulamentarios para a declaración de interese gale

go e a súa inscrición no Rexistro de Fundacións da Sección de Fundacións da Consellería de Cultura segundo se desprende dos artigos 5, 6, 7, 8, 11.1 e 18 da Lei 7/1983, en relación cos artigos 2, 3, 4, 5 e 33 do Decreto 248/1992.

Por todo isto,

DISPOÑO:

Primeiro.-Recoñecer e declarar de interese galego a Fundación Nelson Zumel.

Segundo.-Ordena-la súa inscrición no Rexistro de Fundacións de Interese Galego, Sección de Fundacións da Consellería de Cultura.

Terceiro.-Aproba-los seus estatutos e a formación do seu órgano de goberno.

Cuarto.-A dita fundación queda sometida ó disposto no resto da normativa de xeral aplicación, en especial á obriga de lles da-la publicidade suficiente ás súas actividades e á ausencia de ánimo de lucro na prestación dos seus servicios, quedando obrigada a rende-las contas anualmente ó protectorado e a xustificar, a través dunha memoria anual, o cumprimento das cargas fundacionais, así como a presenta-lo proxecto de orzamento antes do último mes do exercicio económico anterior a aquel para o que se formula, debendo solicita-las preceptivas autorizacións do protectorado cando sexan necesarias.

Santiago de Compostela, 22 de maio de 1996.

Victor. M. Vázquez Portomeñe

Conselleiro de Cultura

9604312