Visto o acordo asinado o 18 de marzo de 1996 pola comisión paritaria do convenio colectivo para a empresa Eurolimp, S.A.(referente ó centro de traballo Hospital da Costa Burela) (código 2700710), mediante o que se veñen a rectificar erros observados na redacción do dito convenio, e de conformidade co disposto no artigo 90 apartados 2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo. Esta delegacion provincial,

ACORDA:

Primeiro.-Ordena-la inscrición do citado acordo no rexistro de convenios desta delegación, así como o seu depósito.

Segundo.-Remiti-lo texto do mentado acordo á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia.

Lugo, 15 de abril de 1996.

Manuel Bande Díaz

Delegado provincial de Lugo

Acta de sesión da comisión paritaria

Burela, 18 de marzo de 1996.

Reúnese ás 12 horas da mañá a comisión paritaria do convenio colectivo do persoal de limpeza do Hospital da Costa de Burela, publicado no DOG nº 14, de data 19-1-1996, e detéctanse no texto os seguintes erros:

1º. Empresa: persoal de limpeza do Hospital Comarcal da Costa de Burela.

2º. Título convenio: persoal de limpeza do Hospital Comarcal da Costa de Burela.

A citada comisión acorda por unanimidade a rectificación dos textos anteriores para a súa publicación no DOG polos seguintes textos:

1º. Empresa: Eurolimp, S.A. (referente ó centro de traballo Hospital da Costa Burela).

2º. Título convenio: convenio colectivo do servicio de limpeza do Hospital da Costa Burela.

Sen máis temas que tratar, levántase a sesión ás 13 horas, coas sinaturas dos componentes da mencionada comisión.

Rubricado

9602343