O Pleno da Deputación Provincial de Lugo aprobou, en sesión ordinaria con data 29 de abril de 1994, a cesión á Comunidade Autónoma de Galicia, da estrada provincial que vai de Ferreira do Valadouro a Cangas de Foz, sita nos termos municipais do Valadouro e Foz (Lugo).
Conforme o sinalado no artigo 5 da Lei de estradas autonómica 4/1994, do 14 de setembro, de acordo entre as administracións afectadas, proposta do conselleiro de Política Territorial, Obras Públicas e Vivenda, e logo de deliberación do Consello da Xunta de Galicia, en reunión do día seis de xuño de mil novecentos noventa e seis.
DISPÓN:
Artigo 1º
Acéptase a cesión gratuíta a favor da Comunidade Autónoma da estrada provincial que vai de Ferreira do Valadouro a Cangas de Foz, nos termos municipais do Valadouro e Foz, que ten unha lonxitude de 13,100 km.
Artigo 2º
A entrega do vial formalizarase mediante a sinatura da correspondente acta en documento público.
Artigo 3º
A estrada incorporarase á relación de estradas de titularidade autonómica como sinala o artigo 4 da Lei 4/1994, do 14 de setembro, de estradas de Galicia. A aprobación da dita relación farase conforme o plan de estradas.
Artigo 4º
Correspóndelle á Xunta de Galicia, a partir da formalización da entrega, tódalas actividades de xestión, mantemento, conservación e explotación da vía; así como o exercicio das funcións de disciplina viaria e calquera outra que puidese corresponderlle como nova Administración titular da estrada.
Artigo 5º
De acordo cos artigos 78 e 79 da Lei 3/1985, do patrimonio da Comunidade Autónoma, e 150 a 152 do seu regulamento, a estrada deberase incor
porar ó inventario xeral de bens da Comunidade Autónoma, quedando adscrita á Consellería de Política Territorial, Obras Públicas e Vivenda.
Disposición derradeira
Facúltase o conselleiro de Política Territorial, Obras Públicas e Vivenda para dicta-los actos que sexan precisos para a efectividade do presente decreto.
Santiago de Compostela, a seis de xuño de mil novecentos noventa e seis.
Manuel Fraga Iribarne
Presidente
Xosé Cuíña Crespo
Conselleiro de Política Territorial, Obras Públicas e Vivenda
96-4535
