Para os efectos previstos no artigo 9 do Decreto 2617/1966 e no artigo 10 do Decreto 2619/1966, sométese a información pública a petición de autorización e declaración de utilidade pública da instalación eléctrica que se describe:
Solicitante: Barras Eléctricas, S.A.
Enderezo social: Cidade de Viveiro, 4-1º, Lugo.
Denominación: reelectrificación de Paderne.
Situación: Castro de Rei.
Descricións técnicas: liñas de media tensión a 20 kV, en conductor LA-56 de 55 mm Al, cunha lonxitude de 706 metros, con apoios de formigón e torres metálicas. Dous centros de transformación de 50 kVA 20.000/380-220 V, en torres metálicas, en Avilleira e Paderne. Rede de baixa tensión en conductor R.Z.-95-50, en apoios de formigón ou grampados sobre fachadas, para mellora do servicio eléctrico en Paderne, no concello de Castro de Rei.
Orzamento: 15.752.634 ptas.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Lugo, 6 de maio de 1996.
Jesús Bendaña Suárez
Delegado provincial de Lugo
3973