Establecida a estructura orgánica da Xunta de Galicia polo Decreto 287/1993, o paso do tempo fai preciso unha nova disposición que modifique parcialmente a organización prevista nel, adaptándoa ás necesidades que o momento actual aconsella acometer, aínda mantendo a mesma como organización básica do Goberno galego, e tendo en conta os criterios de eficacia e economía que deben inspira-la actuación e organización administrativa.
Por todo iso, en virtude das atribucións que me confire o artigo 26, parágrafo 1, da Lei de Galicia 1/1983, do 22 de febreiro, reguladora da Xunta e do seu presidente, modificada pola Lei de Galicia 11/1988, do 20 de outubro,
DISPOÑO:
Artigo 1º.
A Xunta de Galicia estará integrada polos departamentos que se citan no artigo 1 do Decreto 287/1993, do 10 de decembro, que conservan a súa denominación e funcións, con excepción da Consellería de Cultura, que pasará a denominarse Consellería de Cultura e Comunicación Social.
Artigo 2º.
1. A Consellería de Cultura e Comunicación Social asume as funcións que lles correspondían á Consellería de Cultura segundo o Decreto 49/1994, do 4 de febreiro, e á Secretaría Xeral de Comunicación no artigo 10 do Decreto 261/1994, do 29 de xullo.
2.-As actuais adscricións e dependencias de organismos autónomos e entes públicos á Consellería de Cultura e á Secretaría Xeral de Comunicación continuarán en vigor en relación á Consellería de Cultura e Comunicación Social.
Artigo 3º.
A orde de prelación da Consellería de Cultura e Comunicación Social manterase no posto establecido para a Consellería de Cultura no Decreto 287/1993, do 10 de decembro.
Disposición derrogatoria
Quedan derrogadas cantas disposicións de igual ou inferior rango se opoñan ó disposto no presente decreto.
Disposicións derradeiras
Primeira.-O Consello da Xunta de Galicia adoptará as medidas necesarias para adecua-la estructura dos distintos organismos obxecto de regulación do presente decreto, dentro da política de racionalización e reducción do gasto público.
tarias precisas para o cumprimento do previsto neste decreto, sen que en ningún caso poidan orixinar incrementos de gasto.
Terceira.-Este decreto entrará en vigor o mesmo día da súa publicación no Diario Oficial de Galicia.
Santiago de Compostela, seis de xuño de mil novecentos noventa e seis.
Manuel Fraga Iribarne
Presidente
4205