Visto o expediente para outorgamento de autorización administrativa, declaración de utilidade pública, e aprobación do proxecto das instalación eléctrica que a continuación se detalla:

Solicitante: Barras Eléctricas, S.A.

Enderezo social: Cidade de Viveiro, 4-1º, Lugo.

Denominación: reforma L.M.T. no Viso-Folgueiro.

Situación: O Vicedo.

Descricións técnicas: liñas de media tensión a 20 kV, cunha lonxitude de 418 metros, con conductor LA-56 de 55 mm Al, sobre torres metálicas e apoios de formigón, para mellora do servicio eléctrico na zona, no Vicedo.

Orzamento: 1.450.000 pesetas.

Cumprido-los tramites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial, resolveu:

Autorizar, declarar de utilidade pública, e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

Lugo, 29 de abril de 1996.

Jesús Bendaña Suárez

Delegado provincial de Lugo

3976