Polo Decreto 27/1996, do 25 de xaneiro, apróbase o Regulamento de desenvolvemento lexislativo do capítulo IV da Lei 8/1993, reguladora da administración hidráulica, relativo ó canon de saneamento.

Na disposición derradeira terceira do devandito regulamento facúltase o conselleiro de Política Territorial, Obras Públicas e Vivenda para dicta-las normas necesarias para o seu desenvolvemento, na súa virtude,

DISPOÑO:

Artigo único.-Apróbanse os modelos a que fan referencia os artigos 17.1º, 2º, 3º, 4º e 5º do regulamento de desenvolvemento lexislativo do capítulo IV da Lei 8/1993, reguladora da administración hidráulica, relativo ó canon de saneamento que figuran como anexos I, II, III, IV, V, VI, VII desta orde:

-Anexo I: «Modelo de autoliquidación».

-Anexo II: «Modelo de resumo anual».

-Anexo III: «Modelo de regularización de autoliquidacións».

-Anexo IV: «Modelo de declaración de facturación».

-Anexo V: «Modelo de xustificación de recibos non pagos».

-Anexo VI: «Modelo de relación de pagamentos de cantidades xustificadas».

-Anexo VII: «Modelo de liquidación da débeda líquida».

Disposición derradeira

A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 9 de maio de 1996.

José Cuíña Crespo

Conselleiro de Política Territorial, Obras Públicas e Vivenda

3918