Para os efectos previstos no Decreto 2617/1966, do 20 de outubro, sométese a información pública a solicitude da entidade mercantil Industrias del Tablero, S.A., co enderezo en San Sadurniño, A Coruña, para a autorización administrativa das instalacións que seguen:
-Sistema de coxeración composto por catro grupos motor-xerador de 6.200 kVA c/u, empregándose como combustible fuel oil Núm. 1 e/ou gasóleo A e tendo como obxectivo o aproveitamento simultáneo de calor e electricidade.
-A instalación ou factoría da empresa vaise establecer no lugar da Fraga do concello de San Sadurniño (A Coruña).
-Orzamento: 1.926.819.600 ptas.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo de Monelos, 15701 A Coruña.
A Coruña, 2 de maio de 1996.
Juan Ignacio Lizaur Otero
Delegado provincial da Coruña
3641