Visto o expediente da revisión salarial do convenio colectivo da Compañía de Tranvías da Coruña, que tivo entrada nesta delegación provincial da Consellería de Xustiza, Interior e Relacións Laborais o día 9-4-1996, subscrito en representación da parte económica pola empresa, e, da parte social polo Comité de Empresa o día 9-4-1996, de conformidade co disposto no artigo 90.2º e 3º da lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, desta delegación provincial, e a súa notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 11 de abril de 1996.

Fernando Rodríguez Corcoba

Delegado provincial da Coruña

Acta de acordo

Representación empresarial:

José Prada Muradás

Wenceslao López Alvargonzález

Representación social:

Manuel Otero Maya

Jesús Sánchez Vidal

Felipe González Álvarez

Ramiro López Carro

Manuel Ares Ares

Eladio Prieto Crespo

José Antonio Puñal Recarey

Daniel Vázquez Mourelle

Manuel Sánchez Martínez

Na cidade da Coruña, ás 11 horas do día 9 de abril de 1996, reúnense na sala de xuntas da Compañía de Tranvías da Coruña S.A. os señores que na marxe se expresan, compoñentes da comisión negociadora do convenio colectivo da citada entidade.

A reunión ten por obxecto plasmar nesta acta o acordo ó que ambas partes chegaron, e que, unha vez sometido a votación na asemblea de traballadores celebrada o pasado día 1 ó efecto, foi aprobado por ampla maioría e consiste nos seguintes extremos:

1º. Prorroga-lo convenio colectivo de empresa, con vixencia no ano 1995, ata o 31 de decembro de 1996, recollendo un aumento salarial sobre táboas do 4%.

2º. Establecemento dunha cláusula de revisión salarial, consistente en que, no caso de que o índice de prezos ó consumo (IPC), establecido polo INE, rexistrase o 31 de decembro de 1996 un incremento respecto ó 31-12-1995, superior ó 3,5%, efecturarase unha revisión salarial, tan pronto se constate oficialmente a dita circunstancia, no exceso sobre a indicada cifra. Tal incremento aboarase con efectos de 1 de xaneiro de 1996, e para levalo a cabo, tomaranse como referencia os salarios ou táboas utilizadas para realiza-los aumentos pactados para 1996.

E para que así conste para tódolos efectos, esténdese e asínase a presente acta por duplicado exemplar no lugar e data do seu encabezamento.

Rubricado

Táboas salariais

Táboa de remuneración anual en función das horas anuais de traballo

Rubricado

3915