Polo presente anuncio, ponse en xeral coñecemento que o Concello Pleno en sesión ordinaria celebrada o día 10 de maio de 1996 adoptou, entre outros, o seguinte acordo:

1. Aprobar inicialmente o proxecto de urbanización da zona 9 do SU-3 do PXOU de Ourense, a pedimento de Manuel González González e outros, condicionado á constitución de garantía por importe de dezanove millóns corenta e nove mil setenta pesetas (19.049.070 ptas.) para responder da correcta execución das obras.

2. Somete-lo expediente a información pública polo prazo de 15 días, anunciando esta no DOG e no BOP, así como nun dos xornais de maior circulación da provincia, para o seu exame e presentación das alegacións que procedan, trala cal, e se non houbese reclamacións nin alegacións, entenderase aprobado definitivamente.

Con base niso e ó abeiro do artigo 146 do T.R.L.S., sométese a exposición pública perante 15 días, contados a partir do día seguinte a publicación deste anuncio.

Este anuncio suple as circunstancias que poidan concorrer no disposto no artigo 59 da Lei 30/1992, do 26 de novembro.

Ourense, 10 de maio de 1996.

Manuel J. Cabezas Enríquez

Alcalde

3583