Visto o expediente para outorgamento de autorización administrativa, declaración de utilidade pública, e aprobación do proxecto de execución das instalacións eléctricas que a continuación se detallan:

Solicitante: Unión Eléctrica-Fenosa, S.A.

Enderezo social: Severo Ochoa, 2, 15000 A Coruña.

Denominación: L.M.T., C.T. e R.B.T. de Sueiro.

Situación: Culleredo.

Descricións técnicas: liña eléctrica aérea de media tesión, 15/20 kV, sobre apoios metálicos e de formigón, con conductor LA-56, de 572 metros de lonxitude, con orixe na liña Sigrás-Celas de Peiro (Expte. 50691) e remate no lugar de Sueiro.

Centro de transformación aéreo, de 100 kVA, en Sueiro, tensións de 15/20/0,380-0,220 kV, con rede de baixa tensión sobre apoios de formigón e conductor R.Z. de 2039 metros de lonxitude. Concello de Culleredo.

Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,

Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

A Coruña, 18 de abril de 1996.

Juan Ignacio Lizaur Otero

Delegado provincial da Coruña

3491