O artigo 5.2º do Decreto 442/1990, de avaliación do impacto ambiental para Galicia (DOG número 188, do 25-9-1990), dispón que os estudios de impacto ambiental se someteran ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,

RESOLVO:

Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental e plan de restauración da solicitude de concesión de explotación de lousa denominada Betty II, situada en Alixo, Millarouso e Domiz, concellos do Barco de Valdeorras e Carballeda de Valdeorras, provincia de Ourense, e solicitado por Ángel Prada Blanco.

Para os efectos informativos porase á disposición dos administrados que o soliciten un exemplar del nas oficinas desta dirección xeral e as alegacións formularanse durante o prazo sinalado nas mesmas oficinas.

Santiago de Compostela, 12 de febreiro de 1996.

Joaquín del Moral Crespo

Director xeral de Industria

3485