Esta Consellería de Cultura, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, a contratación das asistencias técnicas que se citan:
-Servicios para o Centro Galego de Artes da Imaxe na Coruña:
Orzamento de licitación: 8.000.000 de ptas. (oito millóns de pesetas) IVE incluído.
Prazo de execución: un (1) ano.
Clasificación requirida: non se esixe.
-Restauración das pinturas murais do cabido da igrexa de Sta. María de Baamorto en Monforte de Lemos (Lugo):
Orzamento de licitación: 3.000.000 de ptas. (tres millóns de pesetas) IVE incluído.
Prazo de execución: catro (4) meses.
Clasificación requirida: non se esixe.
-Traballos de catalogación e delimitación planimétrica dos xacementos arqueolóxicos dos concellos de Friol (Lugo), lote I, Cervantes (Lugo), lote II e Cotobade (Pontevedra), lote III:
Orzamento de licitación: 7.800.000 ptas. (sete millóns oitocentas mil pesetas) IVE incluído.
Prazo de execución: o establecido nos respectivos pregos de prescricións técnicas.
Clasificación requirida: non se esixe.
Nas devanditas asistencias técnicas non se esixe fianza provisional.
Exposición dos pregos: o prego de características técnicas e o prego de cláusulas administrativas estarán de manifesto no Servicio de Obras e Contratación da Consellería de Cultura, e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.
Prazo de presentación de proposicións: será de 26 días naturais contados a partir do día seguinte á publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares.
Os licitadores que opten a máis dunha asistencia técnica deberán presentar toda a documentación para cada unha delas. No caso da terceira contratación (xacementos arqueolóxicos), a documentación xeral (sobre A) poderá ser común para tódolos lotes ós que opten os licitadores.
Apertura de proposicións: será realizada pola mesa de contratación ás 11 horas do décimo día natural seguinte ó do remate do prazo de admisión de proposicións na sala de xuntas da Consellería de Cultura.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso correrá por conta dos adxudicatarios.
Santiago de Compostela, 29 de abril de 1996.
Rubén Víctor Lois Calviño
Secretario xeral da Consellería de Cultura
9603383
