Convocada, pola Orde do 17 de xaneiro de 1996 (DOG nº 26, do 6 de febreiro), a provisión, polo sistema de libre designación, de postos de traballo vacantes nos servicios periféricos da Consellería de Sanidade e Servicios Sociais e nos servicios centrais do Servicio Galego de Saúde, esta consellería, de conformidade co previsto no artigo 27.2º da Lei 4/1988, do 26 de maio, da función pública de Galicia, e nos artigos 16 e 17 do Decreto 93/1991, do 20 de marzo, e en uso das facultades que lle confire o artigo 15.4º da devandita lei,
DISPÓN:
Primeiro.-Resolver parcialmente a convocatoria pública para a provisión, polo sistema de libre designación, de postos de traballo vacantes nos servicios
periféricos da Consellería de Sanidade e Servicios Sociais e nos servicios centrais do Servicio Galego de Saúde, anunciada pola Orde do 17 de xaneiro de 1996 (DOG nº 26, do 6 de febreiro), resolta parcialmente por Orde do 19 de marzo de 1996 (DOG º 71, do 11 de abril).
Segundo.-Adxudicar destino, no posto de traballo que se indica, ó persoal que se relaciona no anexo á presente orde.
Terceiro.-O persoal mencionado deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto.-Contra a presente orde, que esgota a vía administrativa, poderase interpoñer recurso contencioso-administrativo, previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia no prazo de dous meses a partir do día seguinte ó da súa publicación, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 30 de abril de 1996.
José Manuel Romay Beccaría
Conselleiro de Sanidade e Servicios Sociais
ANEXO
Apelidos e nome: De la Huerta Martínez, Mª Luisa.
NRP: L01SSXU32594256.
Corpo ou clase: persoal laboral fixo.
Grupo: II (asistente social).
Posto de traballo: directora-administradora do Fogar da 3ª Idade.
Dependencia: Dirección Xeral de Servicios Sociais.
Localidade: Ferrol.
3477
