Dentro dos programas de actividades que a Academia Galega de Seguridade ten previsto realizar no ano 1996 de forma descentralizada, e conforme a funcións atribuídas pola Lei 4/1992, do 9 de abril, de creación da Academia Galega de Seguridade,
anúnciase a celebración dun curso sobre a reforma do Código Penal, que deberá desenvolverse conforme as seguintes bases:
Obxectivos.
O curso ten por obxectivo actualiza-los policías no coñecemento do novo Código Penal.
Destinatarios.
O curso vai dirixido ós membros dos corpos da policía local de Galicia, e membros da unidade do C.N.P. adscrita á Comunidade Autónoma de Galicia.
Inscrición.
A inscrición dos participantes será totalmente gratuíta.
Prazas.
O número de prazas que se ofertan neste curso será de 50.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo, acompañada dunha fotocopia do DNI e do carné profesional.
2. O prazo para a presentación de instancias rematará o día 6 de xuño, ás 14 horas.
3. As instancias deberán vir asinadas polo xefe do cadro de persoal, ou polo concelleiro de Tráfico e seladas será isto requisito indispensable para ser admitido no curso. O incumprimento deste requisito levará á no admisión no devandito curso.
4. As instancias deberán enviarse á sede da Academia Galega de Seguridade: rúa de Madrid, 2-4 polígono das Fontiñas, 15703 Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administratico común.
Contido e duración.
O curso celebrarase en sesións de tarde, de luns a venres, e nel trataranse, entre outros, os seguintes temas:
-Parte xeral:
Principios básicos inspiradores da reforma.
Delictos e penas. As medidas de seguridade.
Período transitorio.
-Parte especial:
1. A protección da vida e a integridade física.
2. Os delictos contra a liberdade (referencia especial ós delictos relacionados coa liberdade sexual).
3. Os delictos contra o dereito ó honor, a intimidade, a propia imaxe ou a dignidade humana relacionados coa difusión de ideas, opinións ou información.
4. Os delictos relacionados coa actividade dos funcionarios públicos.
5. Os delictos contra o medio ambiente e a seguridade colectiva.
6. Os delictos contra o patrimonio e a orde socioeconómica.
7. Os delictos relacionados coa seguridade do tráfico (conducción temeraria, negativa do conductor de realiza-la proba de alcoholemia e conducción baixo os efectos de drogas e alcohol).
Datas.
O curso celebraráse en datas do 17 ó 21 de xuño de 1996.
O horario será de 16 a 20 horas do serán.
Relación de admitidos.
A relación de admitidos publicarase o día 11 de xuño, no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981)56 34 00.
Lugar.
O curso desenvolverase no Concello de Ferrol, quedando por determina-lo seu lugar de celebración, que se comunicará previamente xunto coa lista de admitidos.
Certificado de asistencia.
Ó remate do curso entregaráselles un certificado de asistencia a aquelas persoas que acrediten a súa participación continuada a este, e non poderán supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, levará implícita a non expedición do certificado.
Modificacións.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
Santiago de Compostela, 29 de abril de 1996.
Juan José Fariñas-Ferro Rodríguez
Director xeral da Academia Galega de Seguridade
3478