A Consellería de Cultura, unha vez cumpridor os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, a contratación das obras que se citan:
-Restauración da igrexa de Sta. María Dozo en Cambados (Pontevedra):
Orzamento de licitación: 13.910.930 ptas. (trece millóns novecentas dez mil novecentas trinta pesetas) IVE incluído.
Prazo de execución: tres (3) meses.
Clasificación requerida: grupo K, subgrupo 7, categoría c.
-Pavimentación do adro da igrexa da Mezquita, 2ª fase, na Merca (Ourense):
Orzamento de licitación: 10.336.135 ptas. (dez millóns trescentas trinta e seis mil cento trinta e cinco pesetas) IVE incluído.
Prazo de execución: tres (3) meses.
Clasificación requerida: grupo K, subgrupo 7, categoría c.
-Restauración da igrexa de Penamaior en Becerreá (Lugo):
Orzamento de licitación: 15.178.799 ptas. (quince millóns cento setenta e oito mil setecentas noventa e nove pesetas) IVE incluído.
Prazo de execución: seis (6) meses.
Clasificación requerida: grupo K, subgrupo 7, categoría c.
-Obras diversas de restauración no conxunto catedralicio de Lugo:
Orzamento de licitación: 43.023.946 ptas. (corenta e tres millóns vintetrés mil novecentas corenta e seis pesetas) I.V.E incluído.
Prazo de execución: seis (6) meses.
Clasificación requerida: grupo K, subgrupo 7, categoría d.
Nas devanditas obras non se esixe fianza provisional.
Exposición dos proxectos: os proxectos e os pregos de cláusulas administrativas estarán de manifesto no Servicio de Obras e Contratación da Consellería de Cultura, e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.
Prazo de presentación de proposicións: será de 13 días naturais contados a partir do día seguinte ó da publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares.
Os licitadores que opten a máis dunha obra deberán presentar toda a documentación para cada unha delas.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso correrá por conta dos adxudicatarios.
Santiago de Compostela, 29 de abril de 1996.
Rubén Victor Lois Calviño
Secretario xeral da Consellería de Cultura
3272
