Publicadas por Resolución do 26 de febreiro de 1996 (BOE do 16 de marzo) as listas provisionais de aspirantes admitidos e excluídos ás probas selectivas para ingreso na escala de axudantes de arquivos, bibliotecas e museos da Universidade da Coruña, convocadas por Resolución do 27 de novembro de 1995 (BOE do 19 de decembro) e rematado o prazo de emenda de defectos, este rectorado, en aplicación do establecido na base 4.1 da convocatoria, resolve declarar aprobada a lista definitiva de aspirantes admitidos e excluídos ás referidas probas. A dita lista figura exposta nos taboleiros de anuncios do Rectorado e do Vicerrectorado do Campus de Ferrol.
Así mesmo, en cumprimento do disposto na base 7.1 da convocatoria, faise público que a primeira proba dará comezo ás 17 horas do día 25 de maio de 1996, na Escola Universitaria de Arquitectura Técnica da Coruña (Campus da Zapateira, s/n). Para a súa indentificación, os aspirantes deberán acudir provistos do documentos nacional de identidade.
Contra a presente resolución, que esgota a vía administrativa, poderán os interesados interpor recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ó da súa publicación no BOE.
A Coruña, 16 de abril de 1996.
José Luis Meilán Gil
Rector da Universidade da Coruña
2779