En cumprimento do disposto nos artigos 52 da Lei de expropiación forzosa, do 16 de decembro de 1954, e 31 do regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, e declarada polo Decreto 117/1996 (Diario Oficial de Galicia nº 60, do 25-3-1996) a urxente ocupación dos bens e dereitos afectados, indicados na relación que se publicou no BOP de Lugo do 14-12-1994, faise saber a tódolos afectados pola execución dos proxectos que a seguir se indican L.M.T. ó C.T. Rebordelo-Vilapedre, concello de Vilalba, propiedade da empresa Barras Eléctricas Galaico-Asturianas, S.A., con domicilio en Lugo, r/ Cidade de Viveiro, 4, que o representante da Administración dará comezo sobre o terreo ó levantamento das actas previas á ocupación dos predios contidos nas relacións publicadas no BOP de Lugo do 14-12-1994 e expostas nos taboleiros oficiais das casas do concello e no desta
delegación provincial, sita en Lugo, r/ Pascual Veiga, 12-14.
Advírtese ós interesados afectados, que serán ademais notificados individualmente, e sinálaselles días e hora para o levantamento das actas que poderán formular alegacións por escrito ante esta delegación ata o momento de levantalas, para os únicos efectos de rectificar posibles erros na relación dos bens afectados.
Lugo, 12 de abril de 1996.
Jesús Bendaña Suárez
Delegado provincial de Lugo
3269