Para os efectos previstos no artigo 9 do Decreto 2617/1966 e no artigo 10 do Decreto 2619/1966, sométese a información pública a autorización e declaración de utilidade pública, da instalación eléctrica que se describe:
Solicitante: Barras Eléctricas Galaico-Asturianas, S.A.
Enderezo social: Ciudad de Viveiro, 4, 1º, Lugo.
Denominación: reelectrificación de Candia.
Situación: Abadín.
Descricións técnicas: liñas de media tensión a 20 kV, con conductor LA-56 de 55 mm Al, cunha lonxitude de 1.099 metros, sobre apoios de formigón e torres metálicas. Tres centros de transformación tipo intemperie de 50 kVA 20.000/380-220 V, sobre unha torre metálica. Rede de baixa tensión en conductor R.Z.-95-50-25, sobre apoios de formigón ou grampados sobre fachadas, para mellora do servicio eléctrico en Candia, Pedrafita, Os Castros, Louxide, no concello de Abadín.
Orzamento: 36.406.409 ptas.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Lugo, 21 de marzo de 1996.
Jesús Bendaña Suárez
Delegado provincial de Lugo
2768