Obxecto: servicios de vixilancia encargado da seguridade das instalacións que constitúen a sede central do IGVS.
Orzamento: once millóns de pesetas (11.000.000 de ptas.), IVE incluído.
Prazo de execución: dous (2) anos.
Clasficación: grupo III, subgrupo 2, categoría A ou superior.
Garantía provisional: 220.000 ptas.
Garantía definitiva: 440.000 ptas.
Documentación: os pregos de cláusulas administrativas particulares e de prescricións técnicas que rexerán nesta contratación, estarán á disposición dos interesados, nos días e horas hábiles, no rexistro da sede dos servicios centrais do IGVS (polígono das Fontiñas, Área Central, s/n, Santiago de Compostela).
Presentación de propostas: as proposicións presentaranse no antedito rexistro antes das 14 horas do vixésimo sexto (26) día natural contado a partir do seguinte ó da publicación desta resolución no Diario Oficial de Galicia. Cando a proposición se envíe por correo o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante telegrama ou telefax no mesmo día.
Apertura de propostas: a apertura das propostas será realizada pola mesa de contratación, reunida en acto público na sala de xuntas da sede dos servicios centrais do IGVS, ás once (11) horas do quinto día hábil contado a partir do seguinte ó remate do prazo de presentación de propostas. Se ese día coincidise en sábado, a mesa reuniríase o luns seguinte á mesma hora.
Anuncio: o importe deste anuncio será por conta do adxudicatario.
Santiago de Compostela, 24 de abril de 1996.
José Antonio Redondo López
Director xeral do Instituto Galego da Vivenda e Solo
3264