Orzamento da subministración: 17.213.014 pesetas, IVE incluído, dividido en dous lotes:
1º. 8.555.826 ptas.
2º. 8.657.188 ptas.
Prazo de execución: dous meses.
Fianza provisional: o 2% do orzamento total da subministración, ou do orzamento de cada un dos lotes para o caso de que non se licite á totalidade deles, que será presentada en calquera das formas establecidas no artigo 340 do Regulamento xeral de contratación.
Forma de tramitación: urxente.
Prazo de presentación de proposicións: deberán presentarse en man no rexistro xeral da Consellería da Presidencia e Administración Pública, ou nas direccións provinciais correspondentes, antes das 14 horas do décimo terceiro día hábil a partir da publicación do concurso no Diario Oficial de Galicia, ou por correo na forma indicada no artigo 100 do Regulamento xeral de contratos do Estado.
Documentación que deben presenta-los licitadores: no sobre da documentación persoal, a establecida na cláusula 9.2 do prego de cláusulas administrativas.
No sobre da documentación económica, a establecido na cláusula 9.3 do prego de cláusulas administrativas.
No sobre da documentación de referencias técnicas, a establecida na cláusula 9.4 do prego de cláusulas administrativas.
Apertura de proposicións: será realizada pola mesa de contratación nas dependencias da Secretaría Xeral de Comunicación a partir das 12 horas do décimo primeiro día natural seguinte ó do peche do prazo de admisión de ofertas.
No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentos de interese para os licitadores: o prego de cláusulas administrativas particulares e demais documentación complementaria estará a disposición dos licitadores, para o seu exame, durante o prazo
de presentación de proposicións, nos días e horas hábiles de oficina, nas dependencias da Secretaría Xeral de Comunicación, sita no edificio administrativo nº 5 de San Caetano, Santiago de Compostela, teléfono 54 45 28.
Anuncios: os anuncios do presente concurso público serán por conta do adxudicatario do contrato.
Santiago de Compostela, 26 de abril de 1996.
P.D. (Orde 26-3-1992)
Jesús Pérez Varela
Secretario xeral de Comunicación
9603287
