De conformidade co previsto no apartado 12 da base sexta A) da Resolución do 18 de maio de 1995 (DOG nº 99, do 25 de maio), este tribunal anuncia a publicación dos resultados do segundo exercicio da fase de oposición para o acceso á categoría de pinche de persoal estatutario do Servicio Galego de Saúde.
As listas correspondentes atópanse expostas nos taboleiros de anuncios dos servicios centrais da Consellería de Sanidade e Servicios Sociais, nos da Dirección Xeral de Recursos Humanos do Servicio Galego de Saúde, nos das delegacións provinciais da Consellería de Sanidade e Servicios Sociais e nos das direccións provinciais do Servicio Galego de Saúde.
Así mesmo, este tribunal anuncia que, en uso das facultades que ten atribuídas no apartado 5 da base sexta A) da dita resolución, acordou, en sesión celebrada o día 18 de abril de 1996, declarar aptos a todos aqueles aspirantes que obtivesen nese segundo exercicio unha puntuación igual ou superior a 22 puntos, declarando expresamente excluídos do concurso-oposición a todos aqueles aspirantes que non acadaran a dita puntuación.
Santiago de Compostela, 22 de abril de 1996.
Valeriano Martínez García
Presidente do tribunal
2761