Por acordo do Concello Pleno do día 21 de marzo de 1996, foi aprobado o prego de condicións que rexerá a explotación de cafetería sita no parque público da Xunqueira (Vilagarcía de Arousa), o que se expón ó público polo prazo de oito días contados a partir do seguinte ó da inserción do último anuncio no BOP ou no Diario Oficial de Galicia, para que poidan presentarse reclamacións.

Simultaneamente anúnciase concurso público, se ben a licitación se aprazará canto resulte necesario no suposto de que se formulen reclamacións contra o prego de condicións.

1.-Obxecto de licitación: a explotación da cafetería sita no parque público da Xunqueira.

2.-Tipo de licitación: non se establece tipo máximo de licitación; deberán propoñelo nas súas ofertas os licitadores, axustándose ás regras da cláusula IV do prego de condicións.

3.-Exposición do expediente: na secretaría do Concello, tódolos días laborables durante as horas de oficina, agás o sábado.

4.-Prazo e lugar de presentación das proposicións: na secretaría do Concello, de 9.30 a 13.30 horas, durante o prazo de vinteseis días hábiles, contados desde o seguinte a aquel no que se publique o último anuncio no BOP ou no Diario Oficial de Galicia.

5.-Apertura de plicas: terá lugar no salón de sesións do Concello, ás 12 horas do día seguinte hábil a aquel no que remate o prazo de presentacións de proposicións. No suposto de que a apertura de proposicións corresponda celebrala nun sábado, suspenderase ata o día hábil seguinte.

6.-Modelo de proposición económica: deberá presentarse a proposición económica conforme o modelo que consta no prego de condicións.

7.-Documentos que deben presenta-los licitadores: a documentación que presentarán os licitadores é a prevista na cláusula XII do prego de condicións.

Vilagarcía de Arousa, 27 de marzo de 1996.

X. Xavier Gago López

Alcalde

2969