Concluídos os traballos de reparto e aplicación do fondo de acción social para 1995, e publicados por Resolución do 22 de xuño de 1995 da Dirección Xeral de Relacións Laborais (DOG nº 126, do 3 de xullo) e en uso das competencias atribuídas a esta dirección xeral no punto 6.2 dos criterios xerais que rexen para o fondo de acción social de 1995, procede darlle-la debida publicidade ás listas definitivas das axudas do fondo e ó acordo final de concesión e distribución do citado fondo, unha vez que transcorreron os prazos de alegacións previstos no punto 2 das resolucións do 15 de novembro de 1995 (DOG nº 226, do 24 de novembro), do 31 de xaneiro de 1996 (DOG nº 30, do 12 de febreiro) e do 26 de febreiro de 1996 (DOG nº 45, do 4 de marzo).
Polo tanto, dándolle cumprimento ó acordo da Mesa Xeral de Negociación e ó disposto na Resolución do 22 de xuño de 1995, esta dirección xeral,
DISPÓN:
Primeiro.-Que se publique no Diario Oficial de Galicia, como anexo á presente resolución, a distribución final da concesión das axudas do fondo de acción social para o exercicio de 1995.
Segundo.-Contra a presente resolución poderán os interesados interpoñer recurso ordinario perante o conselleiro da Presidencia e Administración Pública no prazo dun mes contado desde a data da publicación da presente resolución de acordo co previsto no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro).
Santiago de Compostela, 15 de abril de 1996.
Joaquín López-Rúa Soler
Director xeral da Función Pública
ANEXO
Tipo axuda Entradas Aprobadas Denegadas Importe
Xubilación 564 265 299 53.275.000 Diminuídos 335 295 40 63.438.200 Fillos menores 6777 6241 536 1.003.075 Est. traballador 1553 1145 408 18.276.550 Est. fillos 19457 16790 2667 124.007.175 Vivenda 750 470 280 110.000.000 Totais 29436 25206 4230 500.000.000
96-3138