Fáiselles saber a tódolos propietarios dos predios contidos nos expedientes de imposición de servidumes de paso, sobre bens e dereitos afectados polas instalacións das liñas eléctricas a 15/20 kV de enlace Betanzos-Carral con Carral-Mesón do Vento, expediente nº 51626, e ó centro de transformación en Sar (expediente nº 52217), dos que é beneficiaria a entidade Unión Eléctrica-Fenosa, S.A., con domicilio na r/ Fernando Macías nº 2, 15004 A Coruña, que o día 22 de maio de 1996, procederase ás 12 horas, na Casa do Concello de Carral, e ás 13 horas na de Ordes, ós pagamentos do prezo xusto e intereses, conforme ás indemnizacións determinadas polo Xurado Provincial de Expropiación, advertíndolles ós titulares propostos, os cales serán notificados individualmente, que os pagamentos se realizarán de conformidade cos artigos 48, 49 e 50 da Lei de expropiación forzosa do 16 de decembro de 1954 e 48, 49, 50 e 51 do seu Regulamento do 26 de abril de 1957.

As relacións dos predios e titulares ós que proceden os pagamentos, remítense cos oportunos avisos ós alcaldes dos citados concellos.

A Coruña, 26 de marzo de 1996.

Juan Ignacio Lizaur Otero

Delegado provincial da Coruña

3058