Esta Consellería de Cultura, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, as contratacións que se citan:

-Adquisición dunha montaxe eléctrica para bobinas de longametraxe:

Orzamento de licitación: 2.500.000 ptas. (dous millóns cincocentas mil pesetas) IVE incluído.

Prazo de execución: un (1) mes.

Clasificación requirida: non se esixe.

Fianza provisional: non se esixe.

-Alugueiro e montaxe de casetas nas feiras culturais de Galicia:

Orzamento de licitación. 17.000.000 de ptas. (dezasete millóns de pesetas) IVE incluído.

Prazo de execución: tres meses e medio (3,5).

Clasificación requirida: grupo III, subgrupo 8, categoría C.

Fianza provisional: non se esixe.

-Impresión da revista O Correo da Unesco:

Orzamento de licitación: 10.800.000 ptas. (dez millóns oitocentas mil pesetas), IVE incluído.

Prazo de execución: doce (12) meses.

Clasificación requirida: non se esixe.

Fianza provisional: 216.000 ptas. (duascentas dezaseis mil pesetas).

Exposición de pregos: o prego de características técnicas e o prego de cláusulas administrativas estarán de manifesto no Servicio de Obras e Contratación da Consellería de Cultura, e nas delegacións provinciais durante o prazo de presentación de proposicións, das 10 ás 14 horas.

Prazo de presentación de proposicións: será de 13 días naturais contados a partir da publicación da presente resolución no DOG.

Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.

Documentación que presentarán os licitadores: a establecida pola cláusula 7 do prego de cláusulas administrativas particulares.

Os licitadores que opten a máis dunha contratación deberán presentar toda a documentación para cada unha delas.

Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura.

Se coincidise en sábado ou festivo, terá lugar o inmediato día hábil seguinte á mesma hora.

O importe do anuncio do presente concurso correrá por conta dos adxudicatarios.

Santiago de Compostela, 17 de abril de 1996.

Rubén Víctor Lois Calviño

Secretario xeral da Consellería de Cultura

9602686